Merda

Quest articol chì l'è scrivuu in lombard, grafia milanesa.

Disambiguazión – Se te see dree a cercà la merda de animal doperada per l'ingrassadura, varda Ledamm.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

La mèrda a l'è quell che resta del mangià de 'na bestia - inclus i omen, dòpo de la digestion. Quèlla di vacc l'è ciamada anca boàscia, quèlla di cavaj pollìna, quèlla di caver bàgola.^[1] De solit a hinn in forma sòlida in di mammifer, ma pòden vèss anca liquid se 'l gh'è 'n quaj problema, l'inscì ciamada caghètta o cagarèlla o squitta o ganga. ^[1]

A differenza de la pupart di lengov neolatinn el termen merda el gh'ha minga 'na connotazion offensiva, l'è puu che àlter 'n esclamazion, el se pò doperà al sò pòst el termen "cacca" in di ambient informai. El termen per el singol tocch de merda a l'è stronz, termen derivaa direttament del longobard (indova che 'l voeur dì bovascia) che 'l gh'ha 'na cèrta valenza offensiva in lombard e l'è 'n ingiurion in toscan.

Gh'è di bestij, soratutt insett, che viven soratutt a mangià la merda di àlter animài. A bon cunt la coprofagia a l'è 'n comportament assee spantegaa in tutt el mond animal.

Gh'è anca 'na deviazion, ciamada coprofilia che la mena i sgent a eccitàss con la merda.

Riferiment

Enciclopedia Treccani

Nòt

↑ ^1,0 ^1,1 Circolo Filologico Milanese (2018). dizionario Milanese (in italian e lombard occidental). Antonio Vallardi, 303-304. ISBN 978-88-6987-846-6. , vos "escremento"

Alter progett

Wikiquote el gh'ha dent citazzion de o su Merda
Wikimedia Commons el gh'ha dent imagin o alter archivi su Merda

Vos corelaa

[escremento-1] 1,0 ^1,1 Circolo Filologico Milanese (2018). dizionario Milanese (in italian e lombard occidental). Antonio Vallardi, 303-304. ISBN 978-88-6987-846-6. , vos "escremento"

[1]