Enrico Besana

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

Enrico Besana (Milan, 12 de settember del 1813 - Genova, 30 de genar del 1877) l'è staa on dottor, patriota e viaggiador italian.
L'ha studiaa medesina a Pavia e 'l gh'ha semper avuu idei italianista. El partegniva a la Giovin Italia. In del 1846 l'ha ferii in d'on duell on offizial austriegh e inscì el gh'ha 'vuu de scappà a Lugan, de la fameja de la soa mamm, i Ciani.
L'è tornaa a Milan in del 1848, duranta i Cinch Giornad; poeu l'ha anca combattuu 'me volontari duranta la Prima Guerra de Indipendenza. A la fin de la Guerra, l'è tornaa de noeuv a Lugan, e de là l'ha taccaa a viaggià in gir per el mond. L'ha cercaa de convincc el Mazzini de fà nò ona revolta a Milan in del 1853, ma gh'è minga riessii. L'è tornaa a Milan in del 1854 per dàggh ona man a curà el colera. In del 1859 l'è tornaa a combatt contra l'Austria, cont i soldaa de Garibaldi arent a Vares e San Fermo. Semper in quell ann l'è staa, insema a Fabio Filzi, vun di duu amministrador di fond de la Spedizion di Milla. In del 1860 l'è staa eleggiuu deputaa a Cassan, anca se poeu l'ha minga tolt part pù de tant ai lavorà del Parlament. In del 1866 l'è tornaa a combatt insema a Garibaldi in del Trentin.

In del 1857 l'è staa in India, menter in del 1868 l'è staa a Suez, a Celyon, in Cina, in Giappon, in California e Filadelfia; in del 1870 l'era a Paris per vedè la fin de la Comun. L'ha scrivuu ona motta de resocont di sò viagg per i giornai.

Ligamm de foeura[Modifega | mudìfica 'l sorgènt]

dizionari biografegh di Italian