Els Catarres

De Wikipedia
Lumbard ucidental Quest articol chì l'è scrivuu in lombard, grafia milanesa.

Els Catarres hinn ona band folk-pop catalana fada de Èric Vergés e Jan Riera Prats da Aiguafreda e Roser Cruells da Centelles.

Han scominciaa a sonà in di bar in del 2010, e hinn 'nguu de bon famos in del 2011 con la canzon "Jenifer", che la parlava de 'n amor proibii in tra 'n s'cètt catalan patriottista fiss, descrivuu in la canzon con tucc i stereotip del catalan medi, e 'na "xoni", termen gergal per parlà di tosann catalan de coltura spagnoeula, de Castefa, città catalana piena de immigraa de lengua castejana.

El video de la canzon l'è rivaa a la svelta a 1 milion de visit, e han scominciaa anca a vend i sò CD, a patt che se pòden descaregà a gratis da Internet.

A Marz del 2012 han vengiuu el premi "Enderrock 2012" per el test pussee bell per "Jenifer".