Elk Cloner
Elk Cloner l'è staa vun di primm malware per microcomputer a spantegass "in de la natura" (foeura dal computer/laboratori indova l'è staa scrivuu). El se taccava al sistema de l'Apple II e l'è staa scrivuu dal quindesenn Rick Skentra, che l'ha creaa 'me scherz da mett in di dischett pirataa da dà ai sò amis.
Infezion e sintom
[Modifega | modifica 'l sorgent]Elk Cloner el taccava l'Apple DOS grazia ai dischett, cont el sistema incoeu ciamaa boot sector virus. L'era taccaa a on videogioeugh, e quand el gioeugh a l'éra pizzaa per la voeulta quella de 50 el metteva el quader bianch e scriveva ona poesia. Se 'l computer l'éra pizzaa cont on dischett infettaa, ona copia del virus a l'éra caregada in la memoria, e se l'éra mettuu on dischett nettaa, tutt el DOS, con dent Elk Cloner, l'éra copiaa dent, e 'l spategava l'infezion. Per evità che on dischett el fudess infettaa pussee de ona volta, el virus el gh'aveva ona firma che l'éra verificada prima de infettà anmò.