Palass Lumbardia

De Wikipedia
(Rimandaa da El Furmigon)
Jump to navigation Jump to search
Ludesàn Chel articul chi l'è scrivüd en ludesan cun urtugrafìa ünificada
El Palass

El Palass Lumbardia (in italian Palazzo Lombardia - Un nom in Meneghin, cumpagn de Cà Granda, Verzee, Cà de Sass, e.i.v. i Milanes ghe l'han mingamò daa. Gh'è staa un puu de tentatif, cumpagn de Cà Lunga, El Furmigun, e.i.v. ma nissün de chi suranom chi l'ha 'ncamò faa cünt de cimentass in de la parlada cumün), l'è un cumpless unitari de fabricad, tra i quai gh'è un gratacel de 161 métor, che'l fà part de un pruget de riqualificassion dal quarté milanes de Garibaldi-Repüblica.

El num uficial de Palazzo Lombardia l'è vegnüd föra da un sundag che'l gh'è stai tra el disémbor dal 2009 e'l genar dal 2010 in del qual i altor du nom i era: Cà Longa e Altra Sede.

Storia[<small>Mudifega</small> | mudìfica 'l sorgènt]

El fabricad, pruvisuriament ciamad Altra Sede (Alter Sit), l'è stai tirad sü ind un'area de 33.700 métor quàdor che l'è cumpresa tra le vie Melchiorre Gioia, Restelli, Algarotti e Galvani e che in precedensa l'era ucupada dal Busch de Gioia.

A ucupass de la realisassion d'i mesté l'è stai un grüp furmad da tri sucietà: la Pei Cobb Freed & Partners de Növa York e la Caputo Partnership e la Sistema Duemila, tüte e dù de Milan. El pruget l'è stai realisad dal stüdi de architetüra de Növa York. Le dù sucietà de Milan s'en ucupade de la custrüssión.

El pruget de la Pei Cobb Freed & Partners, el 30 april dal 2004, l'ha vensüd un cuncurs internassiunal bandid da la Region Lumbardìa al qual i han partecipad 98 cuncurent, scremad dopu una prima selession a 10.

Caraterìstega dal pruget[<small>Mudifega</small> | mudìfica 'l sorgènt]

La tur la gh'ha una strütüra tüta de ciment armad, a ecession dal belvedé che l'è stai realisad cun d'i trau d'aciai. Le faciade i en rivestide da d'le vedrade che làssun ved i particular frangisul che i en inden e che fìltrun la lüs par creà dal muiment che'l se veda dal de föra.

I corp bass, de furma sinusuidal, i en stai pensad par creà un giögh de furme cürve e de süperfiss spegiade, da guardà da la piassa grand interna de circa 4.000 métor quàdor, cuerta da 'na tetoia trasparent faia de celule de ETFE, material che par la sò legeressa l'ha cunsentid de fà tüt cun un'ünica strütüra.

La piassa central l'è staia cuncepida par es vissüda 24 ur al dì, grassie a la presensa d'un marcà, risturant e strütüre dedicade a l’intrateniment e a l’urganisassion de spetàcul.

El fabricad l'è inuatìu dal punt de vista dal risparmi energétich e de la sustenibilità ambiental: el riscaldament d'le stanse l'è garantid da un impiant de pumpag de l’acqua de falda, pö scaricada ind al canal interad d'la Martesana; l'acaparament de energìa elétrica inclüd d'i panel fotovultàich d'ültima generassion che cuàrciun interament i quàtor fac d'la tur.

Varda anca[<small>Mudifega</small> | mudìfica 'l sorgènt]