Và al contegnud

El Carneval de Schignan

De Wikipedia
Lumbard ucidental Quest articol chì l'è scrivuu in lombard, grafia milanesa.

El Carneval de Schignan l'è ona canzon del Davide Van De Sfroos, cantada in lombard.
Giamò present in de l'album Yanez (2011), l'è stada publicada 'me singol in del 2012, despoeu che l'è stada drovada in de la colonna sonora del cine Benvenuti al nord del Luca Miniero.

La canzon[Modifega | modifica 'l sorgent]

L'è la storia de on omm che 'l torna su a Schignan (CO) dopo tanti agn passaa in gir per el mond, proppi in ocasion del sò Carneval tradizzional. Con su 'na maschera, a l'è bon de incontrà la soa ex miee e de ballà con lee senza fàss recognoss. A la fin del Carneval, el partiss anmò, con scià la soa maschera de legn.
In del ritornell vegnen citaa i mascher e i personagg pussee important del Carneval de Schignan: el Brutt, el Bell, el Mascheron, la Sigurtà, i Sapoeur, la Ciocia.