Don Viturión

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Don Viturión (Varés, 15 d'aprìl 1926 - Gulu, Uganda, 2 de setémber 1994) l'è stai un prét misiunàri italiàn nasüd 'me Vittorio Pastori che l'è stai atìu in Uganda.

Biugrafia[Modifega | modifica 'l sorgent]

Nasüd in del 1926, el gh'èva un risturànt a Varés. L'ha lasàd tüt par andà adré al prevòst Ricu Manfredini, quand l'é diventàd vésch de Piasénsa.

In del 1972 l'ha fundàd a Piasénsa el muvimént Africa Mission, che fin a incö l'ha 'ütàd i puarìn dal Africa Négra.

Per un frach de an l'ha decìs de restà diàcun, ma pö l'è stai urdinàd prét dall'arcivésch de Gulu, Mons. Cipriano Biyehima Kihangire el 2 de setémber 1984.

In tüta la so vita l'ha fai 147 viàg Italia-Africa-Italia per dagh da mangià ai por fiulìn africàn.

Dü só pruérbi[Modifega | modifica 'l sorgent]

  • Di gras, l'é bèl fidás...
  • Chi g'ha fam, el g'ha fam sübit; chi g'ha séd, g'ha séd bun'ura; chi patìs, patìs adés!

Bibliugrafia[Modifega | modifica 'l sorgent]

Ligam de föra[Modifega | modifica 'l sorgent]