Doard Crippa
El Doard Crippa (ofizzialment Edward David Crippa; Rock Springs, vott de april del 1899 - Rock Springs, vint de ottober del 1960) a l'è staa on politegh merican de origin lombarda.
Vitta[Modifega | modifica 'l sorgent]
El sur Crippa l'è nassuu a Rock Springs (Wyoming): sò pader el vegneva de la Lombardia, compagn de tanti olter imigraa in Wyoming; soa mader inveci l'era austriega. Cressuu a Rock Springs, l'ha combattuu 'me soldaa in de la Prima Guerra Mondial.
L'è staa consejer comunal in de la soa citaa in tra el 1926 e 'l 1928; in del 1930 l'è deventaa president de la Union Mercantile Company, per poeu dervì di olter ativitaa economegh.
Insema al sò lavorà, el Crippa l'è staa anca on politegh del Partii Republican: in del 1954 l'è staa senator per cinch mes (de giugn a november), per minga lassà voeui el scagn de Lester C. Hunt, mort in quell ann, fina ai elezzion suplettiv che hann eleggiuu Joseph C. O'Mahoney. Dopo de quest, el Crippa l'è tornaa al sò lavorà, per poeu morì ses agn dopo a Rock Springs.
Riferiment[Modifega | modifica 'l sorgent]
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Doard Crippa
