Dispositiv vigilant
El dispositiv vigilant, ciamaa anca pedal de l'omm mort, a l'è 'n sistema doperaa in ferrovia per controllà che 'l macchinista el stia ben e 'l sia vigil.
El consist de solit in d'on pedal de tegnì schisciaa e che quand che l'è puu schisciaa el ferma el treno o, in di version pussee moderni, in d'on sistema che 'l domanda de schiscià 'n botton se 'l treno a l'è comandaa no per on tot de segond, per verificà che 'l macchinista el sia coscient.