Orta Nova

Orta Nova (fina al 1862 apena Orta) l'è 'n cumun italian, de la region de la Puja, en provincia de Foggia. El gh'ha pressapoch 17'422 abitancc, 'na superfice de 103 km² e 'na densità de 169 ab./km². El confina coi cumun de Ascoli Satriano, Carapelle, Cerignola, Ordona, Stornara, Stornarella.

El dialet

El dialet ortes a l'è compagn de quell de Foggia e l'è part de la lengua napolitana.

I prim us leterari del dialet ortes gh'è stad grazzia al Potito di Pietro (1935-2019), docent de scoeula de la cità e member de la ministrazzion comunala in tra i agn '70 e i agn '90. In del giornalin de la soa scoeula el dava foeura di esempi e di cunt in ortes.

In del 2004 el dà foeura Steve na vote, 'na catada de 30 esempi de la zona de Orta Noeuva, seguid di Cunt del Venerdì Sant. In del 2013 el dà foeura el dizzionari del dialet ortes.

Carateristegh

In ortes la "e" la pò vesser muta o sonora, e la "a" la pò vesser anca velarizada.

In del dizzionari del dialet ortes, la a velarizada l'è representada da la letera "å", la e muta da la "e" e la e sonora da la "é".

La b al principi de paroola l'è semper geminada. Di olter consonant che pòden vessél al principi inn:

d
g
z

L'ortes el gh'ha anca el son /ʃ/, che in del dizionari l'è scrivud 'me "š", ma se gh'è la dopia "s" 'l se scriv "ssc"

Diferenze cont el foggian de cità

El dialet ortes el dopera pussee del foggian la "g" dolza, ad esempi "Agg fat", che in lombard el voeul dì "hoo faa", a Orta Noeuva l'è parnonziad cont la "g" dolza, a Foggia con la "g" dura.

In del dialet de Foggia, la "a" velarizada l'è pussee spantegada e doperada che in del dialett de Orta Noeuva.

Gh'è anca di diferenze de gener di parolle, compagn de zinne ("canton") che a Orta a l'è feminin, a Foggia mascolin.