Sulander

De Wikipedia
(Rimandaa da Dialet sulander)
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


El Sulander (nom nativ: Solander o Solandro) l'è un dialet parlaa in de la Val de Sù e in di sò valad laterai, ciuè la Val de Pei e la Val de Rabi. Gh'è di lenguista che 'l cunsideren un dialet ladin, e olter che 'l cunsideren un dialet Lumbard alpin.

Difüsiun e variant[Mudifega | mudìfica 'l sorgènt]

Fada eceziun di dü dialet de Ussana e Plician, el Sulander l'è parlaa in tüta la Val de Sù e l'è spartii in dü toch principai: el Sulander de Sura e 'l Sulander de Sota. El prim l'è püssee cunservativ, menter l'alter l'è quasi cumpagn del dialet nones, parlaa in de la vesina Val de Nun.

Se cred che a parlà el Sulander ghe sien anmò 15.000 personn.

El Sulander de Sota[Mudifega | mudìfica 'l sorgènt]

L'è parlaa suratüt in di cumün de Caldes (Chjaudés), Terzulass (Tergiolàs) e Malee (Malé). L'è diferent dai alter parlad per la sua semipalatizaziun de la c denanz a la letera a cunt un son surd. L'è la variant che la sumeja püssee al Nones.

Sulander central[Mudifega | mudìfica 'l sorgènt]

L'è parlaa a Cruviana (Croviànå), Munclassigh (Monclàsech), Dimar (Dimàr), Cumezzadüra (Comezadùrå) e Mezzana (Mezànå). Chì la cunsunanta c la perd tüta la palatizaziun e per quest el Sulander central l'è cunsideraa quel standard.

Dialet de La Montagna[Mudifega | mudìfica 'l sorgènt]

L'è parlaa a Tremenagh, Castel, Urtisee e Menass: i prim dò hin fraziun de Plician, i alter dò inveci de Mezzana. Hin i parlad püssee cunservativ che gh'han nagot da spartì cui dialet di vesinn Plician e Ussana.

Dialet de Vermej[Mudifega | mudìfica 'l sorgènt]

'Stu dialet el gh'ha una quai inflüenza del Bressan (per esempi, gh'è la truncadüra di verb a l'infinii), che però l'è minga inscì forta da fàl vegnì un dialet lumbard.

Dialet de la Val de Pei[Mudifega | mudìfica 'l sorgènt]

Parlaa in del paes umonim, l'è vün di dialet püssee cunservativ e vesin al ladin dulumitigh standard.

Dialet de la Val de Rabi[Mudifega | mudìfica 'l sorgènt]

L'è parlaa a Rabi. Chì la c l'è multu aspirada, cusa cunsiderada cume un simbul di lenguv returumanz antigh.

Cunfrunt tra i vari dialet del Sulander[Mudifega | mudìfica 'l sorgènt]

Latin Lumbard Terzulass Caldes Malee Sulander central Tremenagh Castel Urtisee e Menass Dialet de Vermej Dialet de Pej Dialet de Rabi
Ecclesia Gesa Gésia Clésia Césa Gésia Glésia Césa Gésia Césa Césa Clésia

Esempi de lengua[Mudifega | mudìfica 'l sorgènt]

I nümer[Mudifega | mudìfica 'l sorgènt]

  • 1: Un
  • 2: Dói
  • 3: Tréi
  • 4: Quàtro/Quàter
  • 5: Cinch
  • 6: Séi
  • 7: Sét
  • 8: Òt
  • 9: Nöf
  • 10: Dés
  • 11: Úndes
  • 12: Dòdes
  • 13: Trédes
  • 14: Quatòrdes
  • 15: Quìndes
  • 16: Sédes
  • 17: Desesèt
  • 18: Desdòt
  • 19: Desnöf
  • 20: Vinti/Vénti

El Pader Noster[Mudifega | mudìfica 'l sorgènt]

Pare noss, che ses 'n ciel,
sia fat sant 'l tò nom,
fai che vegna 'l tò regn,
che 'l tò voler sia sempro respetaa,
come 'n ciel, aosì 'n tera.
Dane ancöi 'l noss pan da tut i dì,
rimetine i nossi debiti,
come che nò i rimeten ai nossi debitori,
nó indurne 'n tentazion,
ma liberine dal mal, amen.

Un toch de La gulp e l'üga in Sulander[Mudifega | mudìfica 'l sorgènt]

  • Sulander de sura: La bolp l'èra amò famada. 'Nte quèla la vet en còrf con 'n toch de fromai (stavél) 'ntél bèch. "Quèl if, vè, el me savrós bòn", l'ha pensà trà de ela, e la gh'à dit al còrf: "Che bèl che ses! Se 'l tó cantar l'é aosì bèl come che vardes för, de segur t'es 'l pù bèl de tuti i auciéi!"
  • Sulander de Rabbi: La bolp la erå amò famadå. 'Nte quelå 'n corf con 'n toch et formai 'ntel bech. "Quel if, vè, 'l me plaserå ben!", la 's 'mpensò 'n tra de elå e la ji dis al corf: "Cje bel cje es! Se 'l tò cjantar 'l füss aussi bel come cje vardes förå, del sijür sarosti 'l pü bel 't tüt i aucei!".

Vus curelaa[Mudifega | mudìfica 'l sorgènt]