Dialer

De Wikipedia
Lumbard ucidental Quest articol chì l'è scrivuu in lombard, grafia milanesa.
On modem

I Dialer, in lombard ciamador, hinn di software che fann ciamà a on modem on numer telefonegh. Anca s'hinn nassuu 'me strument legal per pagà di servizzi, el so us l'è staa squasi semper illegal. In del gergh di giornalista, l'è doperaa squasi semper per el sò us illegal 'me malware

Dialer legai[Modifega | modifica 'l sorgent]

I dialer poden vess doperaa per pagà on servizzi de assistenza professional o per doperà di resors senza stà a fà di abonament, fattur e transazion, ma pagàj in la bolletta del telefon.

On esempi de dialer "bon" hinn i CD che eren daa di ISP ai utent che voreven l'Internet cont la configurazion automatica, l'era assee mett el CD in del computer per vess in Internet.

Dialer illegaj[Modifega | modifica 'l sorgent]

I dialer illegaj ciamen on numer a pagament senza fàll savè a l'utent.

Squasi semper disen minga el cost del servizzi e di volt se installen senza fàll savè (on quaj antivirus i segnala 'me trojan).

I virus writer han trovaa on mugg de maner per spantegàj, di voeult doperaven di exploit in di software Microsoft comé Internet Explorer o Outlook Express.

In del mond[Modifega | modifica 'l sorgent]

Itàlia[Modifega | modifica 'l sorgent]

In Itàlia i dialer i eren assee spantegaa in del period de bassa diffusion de l'ADSL.

Per la legg italiana on dialer va ben domà se:

  1. Anca i banner pubblicitari disen el so cost
  2. El dis ciarament i cost e 'me scancelàll
  3. Se l'è in su on numer nazional, el pò no avegh di porno

Svizzera[Modifega | modifica 'l sorgent]

In Isvizzera i dialer hinn tucc illegai de l'ann 2004, quand che hinn staa bandii i numer a pagament.

Riferiment[Modifega | modifica 'l sorgent]