Cuz
|
Quest articol chì l'è scrivud in lombard, con la Noeuva Ortografia Lombarda |
| Cuz | |
|---|---|
 | |
| Origen | |
| Pòst d'origen |  Italia |
| Region | Lombardia |
| Area de produzion | Vall Camonega |
| Dettaj | |
| Categoria | segond piatt |
| Reconossiment | P.A.T. |
| Ingredient principaj | carna e grass de pegora |
El Cuz a l'è un mangià tipegh de la Vall Camonega, soratut de Corten. Se pensa che 'l sibia vun di piat pussee antigh de la Lombardia, forsi de origin celtega.
Storia
[Modifega | modifica 'l sorgent]Un piat del gener a l'è manzonad sgiamò in del 700, e l'era tradizzion preparàll per i feste pussee grand, menter incoeu a l'è possibel mangiàll in di baite de montagna o in di restorant senza gran problema.
Preparazzion
[Modifega | modifica 'l sorgent]Per fàll se ciapa 'na pegora veggia e se met in del parioeul el so grass e poeu dopo la soa carna, con di savor pussee, i varie ricete gh'hann dent el broeud, l'aj, la salvia o el vin, e se lassa andà in sul foeugh, mej quell de 'n camin, per un temp in tra i do e i quater ore, senza messedà ma domà a moeuv el parioeul.
A la fin la se serviss con la polenta e se po meter del formai grana sora.
Conservazzion
[Modifega | modifica 'l sorgent]El cuz el se conserva anca per ses mes in di vas de terracota tipegh, indova che l'è metud, separad del grass, e cont el coo de vas quatad del grass.