Cremignane

De Wikipedia
(Rimandaa da Crimignàne)
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
La cizulìna de San Piero de la Lama

Cremignane (o Crimignane; nòm uficiàl en italià Cremignane) l'è 'na frasiunsìna del cümü de Izé, en pruvìncia de Brèsa, abitàda de presapóch 350 persùne. La se tróa söndena culìna a poch de piö de 3 chilòmetri del cèntro comünàl en diresiù sud-ovest. Endel Alt Medioevo, el sit l'ìa abitàt de 'na cumunità de dimensiù pesène e 'n docümènt del 790 el lümìna el nòm de 'n frà ribèl, Arduzì, uriginàre de Cremignane.

Endel sècol XI i frà cluniacensi i mèt en pé en priuràt che dipindìa diretamènt del papa. Del pont de vista ecleziastich però el dipindìa amò de la piéf de Izé, che la gh'ìa l'autorità de mandà i précc per dì la mèsa. Quan che 'l priuràt el g'ha ambiàt a pèrder emportànsa, endel sècol XII, i posedimèncc de la céza i è pasàcc a la piéf de Izé e dòpo englobàcc endele proprietà de la famìa dei Coradèi (it.: Coradelli) che la g'ha fat fà sö arènt a ala céza, en castèl, del qual però gh'è restàt negót. La céza l'è ciamàda apò S. Piero de la Lama per la prezènsa a póca distànsa de la zòna palüdùza de le torbiére de Izé.