Corneli Fusch

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El Corneli Fusch (Cornelius Fuscus in Latin; ?-86) a l'è staa on politich e general de l'Imperi Roman.

Biografia[Modifega | mudìfica 'l sorgènt]

L'ha servii fedelment l'imperador Vespasian duranta la guerra civil de l'Ann di Quatter Imperador (69). Per la soa fedeltaa a la Cà di Flavi l'è staa ricompensaa in vari maner del Vespasian, del Tit e del Domizian. Quest ultim l'ha nomenaa prefett del pretòri in del 81.
In del 85, i Dach del Decebal hann invaduu la provincia de la Mesia. In respòsta, l'istess Domizian l'ha condòtt ona serie de campagn in Dacia. La prima de quest l'è stada affidada pròpri al Fusch, che l'è entraa in Dacia (cont el passà probabilment arent a l'attual Teregova ò per Berzobis) cont on esercitt de cinch legion oltra a on bon numer de unitaa ausiliari, ma l'è staa battuu durament in de la prima battaja de Tap, minga lontan de la capital di Dach, Sarmizegetusa. El Fusch l'è staa mazzaa e i legion hinn poduu tornà in territòri roman dòpo avègh avuu on mucc de perdid.

Bibliografia[Modifega | mudìfica 'l sorgènt]

Vos correlaa[Modifega | mudìfica 'l sorgènt]