Colzin

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Di colzitt de donna

El colzin (anca calzin) l'è 'n tocch de la biancheria intima de tesuu che 'l quatta el pee e almen 'n tocch de la caviggia. Tradizionalment eren doperaa di omen e di tosann preadolescent, vist che poeu i donn doperaven i colz. Al dì d'incoeu 'sta differenza chì l'è dré a slontanàss, e i donn doperen i colzitt despess, anca se in di occasion pussee formai l'è doperaa anmò la calza tradizionala o 'l collant.

In d'on poo de coltur l'è tradizion mett on colzin che l'è impienii di cadò e di dolz da la Befana o dal Bobà Nedal. In Russia inveci se doperaven no i colzitt, e anca i soldaa finna ai agn 1970 gh'aveven i pezz de pee. Vist che in Russia l'è comun cavàss i scarp prima de entrà in d'ona cà eren doperaa di sciavatt de legn ciamaa lapti.