Ciclomotor
El ciclomotor, anca motorin o mopet in Isvizzera, a Bressa el gh'ha la scormagna de ciospo, a l'è 'n mezz de locomozion che 'l gh'ha 'na velocità limitada e de che i licenz per guidàll a hinn redutt rispett a quej di àlter veicoi.
In princìpi eren di biciclett cont taccaa on motor piscininn, appont di cìcli a motor, incoeu inveci a hinn despess di motociclett piscininn e a potenza redutta, de che el nomm motorin. In d'on poo de legislazion anca di mezz a bassa potenza a 3 o 4 roeud a hinn classificaa 'me ciclomotor. In l'Union Europea per guidàll la ghe voeur la patenta AM, che la se pò ciappà de 14 agn, e i limit a hinn soratutt in su la velocità, de solit 45 km/h, o in su la cilindrada, de solit 50 cm³.