Ciciarada:Radio Studio 54 Network

De Wikipedia
Jump to navigation Jump to search

Che fà co pàgine compàgn de chèsta[mudìfica 'l sorgènt]

G'ho töt vià dele parcc en italià e traducìt 'na quach otra. Però g'harèsem de mitìs decorde sö come comportàs en situasiù compàgn de chèsta. Chèsta l'è 'n emitènt radio atìva 'n Calàbria de la quàl conosóm poch o negót e segondo mé gh'è pò a poch enterès che la fàghe part de la nòsta 'nciclopedìa. En piö la vé lasàda lé a metà, mèza 'n italià e mèza 'n lombàrt. Segondo mé se pödarès pò a scancelàle la pàgine come chèsta. Oter che dizìf? --Ninonino (ciciarade) 16:32, 29 Mag 2012 (CEST)

ó dacc a' mè öna mà, spére de ì fài giöst. per ol rèst, l'è öna pàgina del Lodewich, cèrto l'è restàda a mèsa stràda italià-lumbàrt, ma 'l Lodewich me 'l cognòs, l'è mia ü vandàl, 'l sìrca adóma de fà cognòs di laùr che i ghe stà a cör, mé digherès de dàga öna mà e sistemàghele, a la fì de la fèra l'è öna pàgina 'n piö per la Lmo. Che la sìes öna radio calabréza che 'n cognòs mia... mèi!!! L'è pròpe ol sènso de la wiki, 'mparà ergóta, se nasìe "imparato" gh'ère mia bizògn de stödia... sarès istài bèl però... --Aldedogn (ciciarade) 18:29, 29 Mag 2012 (CEST)
Mah, per mì la quistion l'è on poo compagna de quella di rapper italiani e del Centro Torri Bianche. Mì je cognossi minga e donca soo minga se hinn famos in l'Italia intrega o domà tra i sò vesin de cà. Dovarissom scernì caso per caso, per mì. Adess ghe pensi sora on poo e ve doo la mia resposta a proposet de 'sta pagina in particolar. --Eldomm (ciciarade) 18:45, 29 Mag 2012 (CEST)
Mìa che mé g'hape botép a scancelà le pàgine, l'è enütel che ve 'l dìze perchè 'l sif zà. Me se nintindìe mìa de scancelà chèsta 'n particolàr sedenò se mitìe gne dré a sistemàla. Fórse g'ho sbagliàt mé a ciapà pròpe chèsta pàgina come ocaziù per soleà 'l probléma, ma 'l mé l'ìa 'n discórs piö generàl e pò a mé pensàe pròpe pò ai rapper e ai wrestler ecc.
La mé upiniù l'è che semài che acetóm töt dòpo giü 'l se àmbia dré pò a fà la pàgina del sò cagnì perchè 'l ghe té a fal conóser a töcc (per fà 'n ezèmpe estrémo neh).
Chèla del discùter càzo per càzo la pöl véser 'na sulusiù, però bezògna che giü 'l la tìre fò 'l probléma. A das 'na régola generàl de comportamènt völ mìa dì che se pöde mìa piö discùter, se pöl fà töte dò le ròbe. L'importànte 'l sarès segondo mé dà 'n segnàl che se pöl mìa vègner ché e fà la pàgina söl tò sòcio che 'l fà 'l digéi endèla discotéca de Canicatì, perchè te fà piazér fal conóser a töcc. Ghe sarà bé 'n lìmite a l'enciclopedicità, o nò? La wiki 'n lombàrt la g'ha de éser 'na ròba séria, mìa 'l rifugio pecatòrum de töte le barbaiàde che ghe é 'n mènt a la zét. Pensómega dré sènsa pre-concècc.
--Ninonino (ciciarade) 09:02, 30 Mag 2012 (CEST)
PS: Che 'l sàpe ciàr che g'ho pròpe negót cutra chèsta pàgina 'n particolàr e amò a méno cutra chèl che 'l l'ha ambiàda là.
Tat per fà 'n ezèmpe: g'hóm la pàgina söl fiöl de Zidane (classe 1995), creàda quan che chèsto 'l gh'ìa 15 agn, e g'hom mìa chèla sö sò pàder che bé o mal l'è stat giü dei zögadùr piö 'mportàncc endèl sò perìot. Me òi gne saì che simpatìe che 'l gh'ìa chèl che 'l l'ha creàda ma pènse mìa che 'l sàpe sério fà le pàgine per töcc i zögadùr de le giovanìi de le squàdre de fóbal. El fiöl de Zidane per adès l'è gnemò nisü e pöl das che 'l rèste nisü per töta la vita. Véser el fiöl de Zidane l'è mìa asé per véser vergü. Boh, mé la ède isé. Semài che tegnóm töt dòpo giü 'l pènsa, ghe mète pò a chèla de me cüzì che 'l züga 'ndèle giovanìi de l'Öspedalèt, dàto là dis mai negót nisü. --Ninonino (ciciarade) 09:19, 30 Mag 2012 (CEST)

Diciamo che sono Esercizi di stile:P. Sicuramente, se l'enciclopedia crescerà, sono da cancellare. Sono pagine create sulla lmo perché gli amministratori della it le hanno già "spassade via". Il problema di tali pagine è che poi necessitano di nostro lavoro per essere messe a posto. Ci fanno perdere del tempo. E' corretta però l'interpretazione di domm sul valutarle di volta in volta. Ad esempio, la pagina del sito web brianteo creato da "Triante", mi pare ci possa stare. Questa su di una radio calabrese l'avrei cancellata subito. --Grifter72 (ciciarade) 10:03, 30 Mag 2012 (CEST)

Esercizi di stile! Grànde Grifter! :-D
--Ninonino (ciciarade) 10:34, 30 Mag 2012 (CEST)


me pènse sèmper però ün óter laùr, che chèsta l'è mia ön enciclopedéa de càrta, l'è söl web e chèsto l'è mia ü laùr de póch, 'l völ dì che gh'è mia problémi de pòst, la pàgina söl piö strampalàt di wrestler la róba mia 'l pòst a chèla del Leonardo da Vinci, se la födès öna ensiclopedé de càrta e gh'ès de fà piö córta la pàgina del Leonardo da Vinci per fàga pòst al dr Love digherès de no, de lasà pèrt ol dr love, ma l'è mia isè. ol problèma l'è mia la pagina del s-cèt de zidane, l'è mia che l'è gnamò nisü, ol problèma l'è che la mànca la pàgina de sò pàder e l'è mia cólpa de chèl che l'à facc la pàgina sö s-cèt!!!!! pò gh'è de dì che ach chèste pàgine i ghe fà cognòs ergóta, me pensàe che 'l wrestling l'éra adóma chèl del eddy guerrero, pensàe mia che pò de nóter gh'èra chès-ce saltinbànch e l'eldomm che l'è de milà 'l cognòs mia i torri bianche, ma si èt da töta la briansa tat i è grànde, i si a èt de montevecchia, mè me pias mia, mè avrès lasàt la campàgna, menimà de fà sö dù palasù, ma se pöl mia dì che i è picinine e 'n briansa e a monsa i a cognòs töcc. per mè chèl che 'l cónta l'è che i sìes scrìce in bù lumbàrt, che i la cönte sö giösta e che i sìes mia lièl facebook, pò se ü l'è mia pròpe pròpe famùs, va bé stès.

--Aldedogn (ciciarade) 16:44, 30 Mag 2012 (CEST)

Per mé Aldedogn en lìmite el g'harès de ésega östès. Per ciapà l'ezèmpe dei zögadùr de fóbal, mé narès mìa piö 'n zó de la serie B. Per come la ède mé l'è mìa 'na quistiù de spàsio, mé 'n fó 'na quistiù de serietà, de autorevolèsa, so mìa come spiegàm. Se lasóm che la wikipedia 'n lombàrt la deènte 'l pòst endóche ognü 'l va a mèter töte le barbaiàde che ghe é 'n mènt, pò a se 'l cönta mìa de bàle, 'na barbaiàda la rèsta sèmper 'na barbaiàda. Ada che 'n sèrte artìcoi al leèl feisbuch ghe som nacc derènt fés neh, co la storia de le fotografìe dei fiöi e niùcc e papagài e màchine parchegiàde a Lignano Sabbiadoro [1] e bèi(?) fusti sö la spiàga de Koukounaries[2], ecc.; ma forse chèsto l'è 'n oter discors. Adognimòdo per mé sóta de 'n sèrto leèl de 'mportànsa dei argomèncc tratàcc g'hom mìa de nà, per el bé del nòst progèt e de la nòsta lèngua. Se tràta mìa de fa 'l snob, el sàpe ciàr. --Ninonino