Ciciarada:Isaac Newton

De Wikipedia
Jump to navigation Jump to search

Hoo provaa a dàggh ona sistemada ortografica, però gh'è di paròll, soratutt in de l'ultim paragraff, che capissi minga 'se voeuren dì, e donca hoo poduu minga standardizzài. Se gh'avii di critich a la mia sistemazion, mì son chì che scolti. --Eldomm 23:12, 20 gen 2010 (UTC)

Ciao Eldomm. Cumplimèncc per la bùna volontà de sistemà le ròbe.
Segondo mé te fét fadìga a capì perchè l'ütènt che 'l l'ha scriìt (el ducarix) l'è 'n maderlèngua orientàl che pröa a scrìer en ucidentàl (e 'l ghe rìa apò a bastànsa bé, de sigür mèi de chèl che podarès fà mé).
E isé 'l và a finì de mes-cià sö fùrme orientàle e ucidentàle. En piö gh'è la dificoltà de l'argomènt e 'l stìle del ütènt che 'l g'ha tendènsa a fà perìodi tròp lónch.
Ciàpa de mösta el perìodo del öltem paràgrafo che mète ché sóta:
In sustanza, el Newton el ghe varda a un insema de indüziun e de dedüziun che 'l gh'ha el sò precedent püssee impurtant indel Galilei; el s'embat, giüstu cünt, de svilüpà l'uservaziun sperimentala di fenomen fisigh per cavànn föra di legg de validità üniversala; a 'sti legg chichinscì ghe se riva cunt una generalizzaziun semper püssee slargada, che però la gh'ha mai da perd el ligam cunt l'uservaziun e 'l riscunter sperimentai; una volta pö che s'è rivaa sü in scima al basel püssee alt de la generalizzaziun permetüda dal riscunter sperimental, mè de trà inanz cunt la dedüziun per cavà föra di legg bon üniversalment di növ fenomeni da pudè uservà; la matematega l'è deddovera el strüment che 'l serva a scernì föra la presenza d'impiant o ligam püssee generai in di fenomeni uservaa e dessuramaross ja dupera per strulegà fenomeni nananmò uservaa; rispet al Galilei, che 'l parlava de la matematega cume de la lengua duperada da Diu per scrìv el liber de la natüra, el Newton el resta forsi ligaa a un'idea püssee strümentala de la matematega, induve el sò prìmm cumpit l'è quel de dàgh una furma rigurusa a i uservaziun sperimentai.
L'è lónch de piö de dés rìghe, sènsa troà 'n pùnto e 'n piö, te tróet dét de töt. Vocàboi e fùrme inuzuài: strulegà, nananmò, deddovera, dessuramaross; el s'embat [...] de... (per dì se tràta de...), giüstu cünt, mè de (per dì: bizògna, ocór), trà inanz (per dì: andà inanz); ma apò a fùrme inapropriàde: una generalizzaziun semper püssee slargada envéce che semplicemènte larga.
Dòpo per fórsa che se fà fadìga a capì.
--Ninonino 15:21, 21 gen 2010 (UTC)