Cerimonia de la campanella
La cerimonia de la campanella, offizialment in italian Cerimonia di insediamento del nuovo Governo, a l'è la procedura d'onor fada a Palazz Chigi per el passagg de consegn in tra el President del Consili di Minister sortent e quell entrant e che 'l ved el primm consili di minister del noeuv governo.
Svolgiment
[Modifega | modifica 'l sorgent]Dopo del Giurament al Palazz del Quirinal el noeuv primm minister l'è compagnaa a Palazz Chigi del Consiliee Militar e 'l passa in rassegna la Guardia d'onor in la cort interna. El passa poeu per i Scal d'Onor per rivà in la Sala delle Galere indova incontra el vegg primm minister e fann on inconter riservaa. 'Na voeulta fornii riven anca i Sottasegretari a la Presidenza, sia el vegg sia el noeuv, e fann la tradizionala cerimonia de passagg de la campanella. El premier insediaa, donca, el va in l'offizi de presidenza per guidà el primm Consili di Minister, quell sortent, inveci, el lassa a pee el Palazz dopo avè passaa in rassegna la Guardia d'onor.