Castelnöf (Àzula)

De Wikipedia

Chest artícol a l'è scricc in Lumbàrt, ortograféa orientàl unificàda.


La céza de Sànta Margherìta

Castelnöf (Castelnuovo Asolano) l'è 'na frasiù del cümü de Àzula, 'ndèla Pruvìncia de Màntoa.
El paìs el se tróa a 5,5 chilòmetri a nòrt del cèntro comünàl.
La sò stòria l'è ligàda a chèla de Cazalòlt (öna ólta 'n italià 'l se ciamàa Castelnuovo di Casaloldo): endèl 1180 el cümü de Brèsa l'ìa compràt en tòch de teretòre arènt a Cazalòlt, e là el g'ha fat sö 'n castèl (trat zó 'ndèl 1226 e pò 'ndèl 1237).
Endèl 1335 el cümü de Àzula 'l pàsa del contròl bresà a chèl dèi Gonzàga: có lü 'l vé pò a Castelnöf, che isé 'l se destàca fò de Cazalólt. De chèsto momènt Castelnöf l'è 'ndàt adré a la stòria de Àzula.