Castell de Biegrass

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
El Castell al dì d'incoeu.

El Castell de Biegrass a l'è on castell medieval che 'l se troeuva in del center de la città de Biegrass, in Provincia de Milan.
El gh'ha ona forma quadrada, l'è circondaa de on foss e l'è contornaa de torr.

Storia[<small>Mudifega</small> | mudìfica 'l sorgènt]

Foto del Paolo Monti (1980)

I primm testimonianz de 'na fortezza in sul territori a l'è del XI secol, quand che 'l vescov Aribert de Intimian el parla d'on castell in del borgh in del sò testament.
El castell che cognossom numm a l'è staa scominciaa in del 1381 per orden del Gian Galeazz Viscont, per poeu vess imbellii del fioeu Filipp Maria. L'era staa mettuu in pè in posizzion strategica, in tra el Navili Grand e 'l Tesin, in su la strada in tra Milan e Vigeven.
In tra i sò fonzion, el Castell l'è staa anca la sede estiva de duchess 'me la Bianca de Savoia e la Beatris de Tenda; per 'sta reson, el castell a l'è staa imbellii ancamò pussee, in stil renassimental. L'è staa lilinscì che l'è nassuu el duca Gian Gaelazz Sforza (1486).
L'ha conservaa la soa importanza fina al 1635. In del 1688 el governador spagnoeu l'ha ordinaa de trà giò el castell, per minga fàll finì in di man di frances. Quell che l'è restaa del castell l'è staa doperaa 'me residenza privada fina al 1865, quand che i proppietari del temp a l'hann regalaa al comun de Biegrass. Prima l'è staa doperaa 'me scoeula, e poeu 'me sede de ona quai sociazzion del territori de Biegrass. Al dì d'incoeu gh'è anca la biblioteca comunal.
In del 1995 el castell l'è staa tutt restauraa, e in 'sta manera hann poduu trovà i vegg dipint e afresch del temp di Viscont.

Varda anca[<small>Mudifega</small> | mudìfica 'l sorgènt]