Cassina Mojazza
La Mojazza o Mojascia l'eva ona veggia cassina milanesa, che al dì d'incoeu la gh'è pù.
La se trovava foeura de la Porta Comasina (incoeu Porta Garibaldi), minga lontan de l'Isola, pù o manch indove adess a gh'è la piazza Lagosta.
El sò nomm el ven foeura de moisc, proppi perchè la zonna indove l'era stada fada sù l'era on poo moiscia.
La Mojazza l'è on poo cognossuda perchè lì arent gh'era staa faa sù on vegg cimiteri, indove gh'era anca i tomb del Ceser Beccaria, de l'Isepp Parin, del Francesch Melz d'Eril e del Melchiorre Gioia. Al dì d'incoeu l'esist pù nanca el cimiteri.