Carsina

Chest artícol a l'è scricc in Lumbàrt, ortograféa orientàl unificàda.

Màpa antìca de la zòna, custudìda 'ndèi muzèi vaticàni, endóche gh'è zà segnàt l'abitàt de Carsìna.

Carsìna, (en Italià: Carcina) l'è 'na frasiù del cümü de Vìla Carsìna, endèla bàsa Val Trompia, pruvìncia de Brèsa. La se tróa sö la spónda sinìstra de la Mèla e la cunfìna co la frasiù de Custùr del cümü de Consés. L'è streersàda en diresiù Nord-Sud de la stràda pruvinciàl BS 345 (ciamàda de le Trè Ai) e l'è colegàda a la frasiù de Cailìna per mès de 'n put sö la Mèla.

Endèl Medioevo, ai tép de le piéf, el sò teretóre el fàa part de la piéf de Consés.

Come cümü l'è zamò lüminàt endèl Liber Potheris del 1226.

Ai tép de la Repüblica de Venésia, pròpe presapöch en curispundènsa del cunfì 'ntra Carsìna e Custùr (en località Strà), sö la stràda che mìna 'n Val Trompia, gh'ìa 'n arch che segnàa i cunfì aministratìf de la Val col distrèt aministratìf de Brèsa.

Endèl 1797 a Carsìna gh'è stat combatìt 'na batàia 'ntra i filo-fransés e i Valtrümplì aleàcc fidàcc de Venésia che g'ha fat 27 mórcc.

Carsìna la g'ha fat cümü de per sò cönt enfìna al 1927 e la tülìa dét pò a la frasiù de Prègn. El sò nòm uficiàl en italià l'ìa "Carcina" ma co l'agregasiù col cümü de "Villa Cogozzo" el cümü nöf che gh'è stat furmàt el g'ha ciapàt la denuminasiù uficiàl che 'l g'ha amò adès de "Villa Carcina".

Carsìna la fà paròchia ensèma a Prègn e la sò céza l'è dedicàda a San Giàcom Magiùr.

Riferimèncc

• Sit del cümü de Vìla Carsìna