Carrozza RhB BDt
La carrozza RhB BDt a hinn di carrozz a scartament metrich de la Ferrovia Retiga de segonda class e con mena-bagagg.
Storia
[Modifega | modifica 'l sorgent]Hinn staa faa su per la prima voeulta in del 1982 e doperaa in principi per di treni navetta a du element cont i vegg automotris RhB BCe 4/4 501–504 ma poeu hinn staa via via doperaa cont i locomotiv.
I tratt indova che hinn doperaa pussee a hinn staa la Samedan-Pontresina e la Davos-Filisur, ma se pòden vedè anca in la pupart di treni invernaj e turistegh.
On'unità uniga BDt 1731 l'è stada fàda su in del 1989 quand che la Retiga la gh'eva de besogn de 'n treno navetta noeuv appòsta tiraa de 'na Ge 4/4 I, indova che l'è restaa finna al 2003, per poeu vèss reconvertida per di treni con auto al seguit de la galleria de la Vereina.
In del 1999 a hinn miss di carrozz semipliota a pianal rebassaa, faa su de la Stadler Rail, e compatibil con squasi tutt i motris de la società.
Bibliografia
[Modifega | modifica 'l sorgent]- Wolfgang Finke, Hans Schweers: Die Fahrzeuge der Rhätischen Bahn 1889–1996. Band 1: Personenwagen, Speisewagen, Gepäck- und Postwagen. Schweers + Wall, Aachen 1996, ISBN 3-89494-103-0.