Campiù

De Wikipedia
Sata a-a navegassion Sata a-a serchia
Chest artícol a l'è scricc in Lumbàrt Orientàl, ortograféa unificàda Lombard oriental
Le córne che sovràsta Campiù, el paés l'è en alt a sinìstra

Campiù (nòm uficiàl en italià: Campione) l'è 'na frasiù del cümü de Tremùzen, en pruvìncia de Brèsa. El paés l'è postàt sö la còsta nord-ucidentàla del Lach de Garda enseràt dét endena lèngua de tèra 'ntra la parét de córne e 'l lach. El g'ha presapóch 120 abitàncc. Enfìna al 1928, Campiù l'ìa dividìt en dò bànde: Campiù de sóta l'ìa sóta el cümü de Tignàl e Campiù de sùra l'ìa sóta Tremùzen. Istès pò a per la aministrasiù religiùza, Campiù de sóta el fàa part de la paròchia de Tignàl, che 'nfìna al 1785 la apartignìa a la diòcezi de Trènt, envéce la part setentriunàla del bórch l'ìa sóta la paròchia de la Piéf de Tremùzen che la g'ha sèmper apartignìt a la Diòcezi de Brèsa. A pàrter del 1928, endel quàder de la reorganizasiù de le aministrasiù locài, Campiù l'è pasàt töt sóta 'l cümü de Tremùzen e del pont de vìsta de l'aministrasiù religiùza adès el fà paròchia de per sò cönt, dedicàda a Sant'Ercolà e part de la Diòcezi de Brèsa.

Le atività econòmiche de Campiù al dé d'encö i è ligàde suradetöt al turìsmo, con atensiù particolàr a chèl spurtìf, difàti l'è cunusìt suradetöt per la pràtica dei sport de véla.


Riferimèncc[Modifega | mudìfica 'l sorgènt]