Cadergià

De Wikipedia
Sata a-a navegassion Sata a-a serchia
Chest artícol a l'è scricc in Lumbàrt Orientàl, ortograféa unificàda Lombard oriental

Cadergià (nòm uficiàl en italià: Cadria) l'è 'na frasiù del cümü de Magàza, en pruvìncia de Brèsa. El paizì el se tróa en mès ai mucc de l'entreotèra de l'Alta Gardezàna, a 943 méter de altèsa sùra 'l leèl del mar, e a 6 km del sò cèntro cumünàl. La se tróa ai pè de la Tombèa e del Caplù

L'è oramài quàze del töt dizabitàda, (7 abitàncc endel 2001) endèna alèta ciamàda Al del Droanèl, lateràl de la Alvistì e streersàda del torènt omònim.

Per divèrsi sècoi Cadergià l'è stat en paés de cunfì, difàti a póch chilòmetri pasàa el cunfì 'ntra la Repüblica de Venésia e la Contèa del Tiröl, e piö tàrde, 'ntra 'l 1861 e 'l 1918, 'ntra 'l Regn d'Italia e l'Impér Austro-Ungàrich.

El prìm docümènt che lüminàa el bórch de Cadergià l'è 'na bóla del papa Urbano III del 7 de mars del 1186 mandàda de la diòcezi de Verùna a l'arseprét Martì de Tremùzen, aministradùr per cönt de 'n tal Mènech, arseprét de la céza de S. Maria de Tignàl. En chèsto docümènt se confermàa i dirìcc antìch de chèla céza lé endèla sò giürisdisiù che la tülìa dét apò a la Alvistì.