Boleslav ol Devot

De Wikipedia
(Rimandad de Boleslao ol Pio)
Lombard Quell articol qì l'è scrivud in Lombard, cond l'ortografia Scriver Lombard.
Boleslav ol Devot

Boleslav ol Devot (in polac: Bolesław Pobożny; 1224/27 - 14 de avril 1279) l'è stait un member de la dinastia Piast, Duca de la Granda Polonia intra ol 1239 e ol 1247 (segond qualc storec ind el periodo 1239-1241 adoma Duca de Ujście), Duca de Kalisz (1247-1249), Duca de Gniezno (1249-1250), Duca de Gniezno-Kalisz (1253-1257), Duca de tœta la Granda Polonia e Poznań (1257-1273), ind el 1261 Scior de Ląd, rejent de i Ducats de Masovia, Płock e Czersk (1262-1264), Scior de Bydgoszcz (1268-1273), Duca de Inowrocław (1271-1273), e Duca de Gniezno-Kalisz dal 1273 infina a la so mort.

L'era ol segond fiœl de Ladislav Odonic, Duca de la Granda Polonia, e la so moier Edvije, qe l'è probabel qe la fœss la fiœla de Mestwin I, Duca de Pomerania, o de un member de la dinastia Přemyslid. Quase sœbet Boleslav l'è stait ciamad ol Devot (Latin: Pius), nom dovrad quand a l'era anc'mò viv ind la Cronaca del Capitolo de Poznań.