Bociarda
La bociarda l'è on arnes de quei doperaa di minoeur in di cav de granii.
L'è on martell che 'l gh'ha la part che la batt cont ona testina intecambiabel (ciamada tassell) e con scià tanti pontinn piramidai.
A l'è doperada per refinì i blocch de granii e segrinà la superfis; el pò servì anca per segrinà i paviment de ciment.
El termen bociarda el riva del frances boucharde.
Bibliografia[Modifega | modifica 'l sorgent]
- Raul Capra, La pradéra perduta. Lessico cusiano di cava, Noara, FAI Novara-Italgrafica, 2010.