Codes sorgent per Boa Sr

{{LORUNIF}}

'''Boa Sr''' l’è stàcia l’öltima persùna che l’ìa buna de parlà la [[Lèngua Aka-Bo|lèngua Bo]] che l’éra parlada in del arcipélach di [[Andamane]], in del [[gólf del Bengala]], in [[India]].

Boa Sr l’è mórta ol [[26 01|26 de Zenér]] del [[2010]] a l’èta de 85 agn, dòpo ès iscampàda al [[Tsunami]] del [[2004]].

La [[Lèngua Aka-Bo|lèngua Bo]] l’èra öna di 10 lèngue parlade dal pòpol Grancc Andamanés, pòpol che se pènsa l’abie abitàt chèste ìsole da piö de 65.000 agn; i éra 5.000 quando in del [[1858]] i è riàcc i Inglés; in del [[2010]] i n’éra restàcc dóma 52 e tra chès-ce Boa Sr.

"Da quando l’éra restàda desperlè a parlà ‘l Bo", l’à contàt sö ‘l lenguést [[Anvita Abbi]], che l’la cognusìa de tace agn, "la se sentìa pròpe desperlé, dezà che la pödìa piö ciacolà con nisü”.

Coi lenguést la parlàa ach di tribù apröf a la sò: ‘n particolàr l’ìa confidàt che segónt lé i [[lèngua Jarawa|Jarawa]], che i éra mia stai decimàcc, i éra "pròpe fortünàcc dezà che ìa pödìt restà in de la forèsta, bèi luntà da i colòni che i gh’à ‘n mà la gran part del teritòre di ìsole".

== Per iscoltà la lèngua Bo ==

S’pöl scoltà la [[Lèngua Aka-Bo|lèngua Bo]] e Boa Sr che la canta söl sito:

http://www.survival.it/notizie/5511