Boa Sr
|
|
Chest artícol a l'è scricc in Lumbàrt, ortograféa orientàl unificàda. |
Boa Sr l’è stàcia l’öltima persùna che l’ìa buna de parlà la lèngua Bo che l’éra parlada in del arcipélach di Andamane, in del gólf del Bengala, in India.
Boa Sr l’è mórta ol 26 de Zenér del 2010 a l’èta de 85 agn, dòpo ès iscampàda al Tsunami del 2004.
La lèngua Bo l’èra öna di 10 lèngue parlade dal pòpol Grancc Andamanés, pòpol che se pènsa l’abie abitàt chèste ìsole da piö de 65.000 agn; i éra 5.000 quando in del 1858 i è riàcc i Inglés; in del 2010 i n’éra restàcc dóma 52 e tra chès-ce Boa Sr.
"Da quando l’éra restàda desperlè a parlà ‘l Bo", l’à contàt sö ‘l lenguést Anvita Abbi, che l’la cognusìa de tace agn, "la se sentìa pròpe desperlé, dezà che la pödìa piö ciacolà con nisü”.
Coi lenguést la parlàa ach di tribù apröf a la sò: ‘n particolàr l’ìa confidàt che segónt lé i Jarawa, che i éra mia stai decimàcc, i éra "pròpe fortünàcc dezà che ìa pödìt restà in de la forèsta, bèi luntà da i colòni che i gh’à ‘n mà la gran part del teritòre di ìsole".
Per iscoltà la lèngua Bo
[Modifega | modifica 'l sorgent]S’pöl scoltà la lèngua Bo e Boa Sr che la canta söl sito: