Bigol
El bigol o anca cazz o ciolla o pirla l'è l'orghen sessual di òmen e l'ultim tòcch di vij urinari. El serviss donca per fà sess e per pissà, durant i raport a lett el bigol el serviss anca par eiaculà in de la vagina o in del cuu se a se fa sess anal.
El bigol l’è anca ciamaa bigolon quand che al vegna dur, de solet perchè vun a l'è eccitaa, perchè el deventa pussee gross.
In la letteratura lombarda
[Modifega | modifica 'l sorgent]In la poesija del Fabi Vares se troeuva:
|
«ind on bon legg cont ona tosa in brazz:
tutt è nient comè no tira el cazz.»
|
(F.Vares
)
|
Anca in la produzion del Porta se troeuva, sia per esclamà, sia per parlà de l'orghen. Ad esempi:
|
|
«On cazz che sia ben faa, gross e tirent»
|
(Poesia omonima)
|
|
|
«e no me stupirev ch’el fuss capazz
de trovà in st’occasion de sposalizzi i noster lacrem per lavass el cazz.» |
(Lacrem stee indree... no sbottii foeura, nò!)
|
Gh'è anca on par de proverbi lombard che parlen del bigol e hinn:
|
|
«El mestee del Michelazz: Mangià, bev e fa on cazz»
|
|
|
«El bigol el gh'ha no i oeugg»
|
Etimologia
[Modifega | modifica 'l sorgent]L'etimologia de "cazz" la par latina, da "cattium", ossia "cazuu". Gh'è anca ona poesia in toscan del secol quell de 13 che la drova "cazz" sia in del sens del "cazzuu" de incoeu sia del "cazz".
"Pirla" iscambi el par che 'l vegna da "pirlus", semper latin, che 'l voeur dì "ròbb che 'l va foeu".
Di voeult se sent anca "Pen", del latin "Penis", soratutt in del gergh medegh. Inscì l'è in la pupart di lengov neolatin.