Bibliotecca al Parch

Quest articol chì l'è scrivuu in lombard, grafia milanesa.

La bibliotecca al Parch l’è una bibliotecca de Milan che la se trœuva dedent del Parch Sempion, ben arent a la statua del Napoleon quell de trii.

Insemma al Bar Bianch a l’è staa vun di duu edifizzi faa sù ind el 1954 per la trienal de Milan quella de des.

Carattaristegh

L’edifizzi el gh’ha ona pianta a forma de arch – ind el defœura a l’è faa pussee a fœusgia de serc; ind el dedent el regorda ona spiral. Ben carattaristegh a l’è la coverciura de calcestruzz armaa che la ven sù del dedent de la construzion e l’è tegnuda in pee de trii montant a sezion triangolar; i mur hinn faa intregament de vider.

Dedent la bibliotecca la gh’ha ona superfizza complessiva de 450m² e l’è despartida ind la zonna de lecciura de desora invers el zenter de l’edifizzi, e ona zonna per menàss inanz e indree arent al mur pussee esterna.

Progettaa dij architett Ico Paris e el Silvi Longh – vuttaa de l’ingegnee Luis Toniett – l’edifizzi l’è decoraa de di picciur e depenc del Brunn Munee e Maver Reggian e de ona scultura fada del Franzesch Somain.

Gallaria

• 
  Pianta de l’edifizzi
• 
  Prospett de l’edifizzi

Bibliografia

Font

• Padiglione per soggiorno, alla Triennale, in Domus, nº 301, Milano, Editoriale Domus, dicembre 1954, pp. 7-9, ISSN 0012-5377.
• Roberto Aloi, Nuove architetture a Milano, Milano, Hoepli, 1959. no

Liver par profondì l’argoment

• Ico Parisi, Padiglione di soggiorno. X Triennale di Milano, stampato a cura della Cementeria di Merone, 1959. no
• Agnoldomenico Pica, Architettura moderna in Milano, Milano, Ariminum, 1964. no
• Ico Parisi, La biblioteca del Parco Sempione a Milano, Aldebaran, 1994. no

Olter progett

Altri progetti

• Wikimedia Commons

• Wikimedia Commons el gh'ha dent imagin o alter archivi su Bibliotecca al Parch

Ligamm de fœura

• Bibliotecca al Parch Sempion
• Paolo Campiglio. Grande Motivo al Padiglione Soggiorno