Bertold

De Wikipedia
Sata a-a navegassion Sata a-a serchia
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Un'antiga incisión del Bertold

El Bertold (anca Beroldo), second la tradizion lumbarda, l'è un vilan d'Al Turbi ai temp di Lungubard, che l'è pö stat prutagunista del liber de Giulio Cesare Croce Le sottilissime astutie di Bertoldo, scrivüü del '600, cumpagnaa dal sequel Le piacevoli et ridicolose simplicità di Bertoldino, che'l parlava del so fiö Bertuldín, e i so gabul con so mader Marcolfa. Püssee inanz, Adriano Banchieri l'ha trat insema una terza part, Novella di Cacasenno, che l'era pö la storia del fiö de Bertuldín (e nevud de Bertold). I tri stori i henn pö stat püublicaa tüt insema del 1620, cun el titul: Bertoldo e Bertoldino, con l'aggiunta del Cacasenno. Anmò incö, Bertold l'è el prutagunista de la sagra del polentón d'Al Turbi.