Beatris d’Est
|
Quest articol chì l'è scrivud in lombard, con la Noeuva Ortografia Lombarda |
La Beatris d’Est (29 de sgiugn del 1475 – 3 de sgener del 1497) l’è staita duchessa de Milan e de Bari intravers el sò mariozz cont el Lodovigh el Nigher. Ancaben che la saja moruda sgiovena, l’è staita vuna di personalitaa pussee importante del sò temp e la gh’ha havud ancasì un rœul fondamental ind la politega lombarda e taliana. Fomna de coltura e semper ligantement intapada sgiò, l’era una gran patrona dei art e, insema al marid, l’ha menad Milan e deventà vun di sit de pussee grandœur in mez ai oltre zitaa del Renassiment.[1][2] A l’era sperta fiss a indà a cavall e a cascia,[3] e la gh’haveva una natura infogolida e determinada. Cont el rivament di Franzes a Milan, l’è vegnuda l’anema de la resistenza milanesa contra el rè Carel VIII de Franza e i sò homen, quand che l’intervent sò de lee ind la guerra l’ha ruzad indree i menasce del duca d’Orleans che l’era sgiamò asquas riessid a conquider Milan.[4][5]
“L’insubiva el corasg de un hom, e, de sora maross, quell de vun intreped quand che la se trovava denanz al periguel. […] A l’era debon una virago, ind l’onorevel sens medieval de la parolla. Una fomna – a la fœusgia che el Gregorovius el la defeniss – traita su per corasg e comprension de dessora del sò sess.”[6]
La sò mort – ocorsa a nomà ventun agn quand che l’era in pajœula – l’haveva propri trait sgiò de cœur el Lodovigh el Nigher, cont el dàgh un dolor inscì grand che el s’è pu tirad su.
Referenze
[Modifega | modifica 'l sorgent]- ↑ Malaguzzi Valeri 1913, pp. 35–37.
- ↑ Calmeta 1504, p. 25.
- ↑ Luzio e Renier, pp. 112-113.
- ↑ Giarelli 1889, p. 292; Pirovano 1830, p. 27; Préchac 1817, p. 160; Mòrbio 1834, p. 130; Il mondo illustrato, p. 395.
- ↑ Sanuto 1883b, p. 438.
- ↑ "A fiftheenth-century virago" in The Saturday Review 1900-04-21: Vol 89 Iss 2321, p. 496.
Bibliografia
[Modifega | modifica 'l sorgent]- Calmeta, Vincenzo (1504). Collettanee greche, latine e vulgari per diversi auctori moderni nella morte de l'ardente Seraphino Aquilano.
- Giarelli, Francesco (1889). Storia di Piacenza dalle origini ai nostri giorni. V. Porta.
- Alessandro Luzio, Delle relazioni d'Isabella d'Este Gonzaga con Lodovico e Beatrice Sforza, Tipografia Bortolotti di Giuseppe Prato, 1890.
- Malaguzzi Valeri, Alessandro (1913). La corte di Lodovico il Moro: la vita privata e l'arte a Milano nella seconda metà del Quattrocento. Milano: Hoepli.
- Mòrbio, Carlo (1834). Storia di Novara dalla dominazione de' Farnesi sino all'età nostra contemporanea. G. Ferrario.
- Pirovano, Francesco (1830). Milano, nuova descrizione. Seconda edizione. Silvestri.
- Préchac, Jean de (1817). Storia di Clarice Visconti, duchessa di Milano. Giusti.
- Sanuto, Marino (1883b). La spedizione di Carlo VIII in Italia. Venezia: Tipografia del commercio di M. Visentini.
- (1848) Il mondo illustrato, giornale universale. G. Pomba.
Ligam de denter
[Modifega | modifica 'l sorgent]Ligam de fœura
[Modifega | modifica 'l sorgent]
Wikiquote el gh'ha dent citazzion de o su Beatris d’Est
Wikimedia Commons el gh'ha dent imagin o alter archivi su Beatris d’Est
