Bataja de Mombell (1800)

De Wikipedia
Lumbard ucidental Quest articol chì l'è scrivuu in lombard, grafia milanesa.

La bataja de Mombell l'è stada combattuda el noeuv de giugn del 1800 in tra l'armada francesa e quella austriega.
El sit de la bataja (part de la Guerra de la Segonda Coalizzion) l'è stada la campagna intorna a Mombell e Stradella, duu paesoeu arent a Voghera.

La bataja[Modifega | modifica 'l sorgent]

Rivaa giò in Italia e dopo d'avè battuu i armad austriegh, el Napoleon l'è andaa giò per la Pianura Padana.
El general austriegh Melas, el pensava che l'atacch el saria vegnuu in tra Turin e Genoa, e donca l'ha mandaa el gross di sò trupp a controllà la zona tra Lissandria e la Liguria. El Napoleon el sperava che la resistenza de Genoa l'avaria permettuu de s'ceppà in duu tocch l'armada austriega, che inscì la saria stada pussee facil de batt.

Inora el general Jean Lannes, che l'era el capp de la vanguardia francesa (7.000/8.000 omen) l'ha taccaa i austriegh arent a Stradella; ma, despoeu d'on primm sucess frances, i austriegh hinn staa bon de conquistà anmò el paes.
El Lannes l'ha specciaa che 'l rivass el rest di sò forz e, grazzie a l'aiutt del general Victor, l'è tornaa a taccà, e l'ha respingiuu definitivament i austriegh.
Per 'sta vittoria, el Lannes l'è staa nominaa "duca de Mombell".
I austriegh hann perduu circa 4.000 omen; inscambi, el par che i mort frances i vaghen de 'n quai centenee a 1.500.