Ballade pour Adeline
|
|
Chest artícol a l'è scricc in Lumbàrt, ortograféa orientàl unificàda. |
La Ballade pour Adeline l’è ü famùs tòch de müzica per pianofórt, scricc in del 1976 dal Paul de Senneville e dal Oliver Toussiant e sunàt dal sunadùr de pià fransés Philippe Pagès, cognusìt col nòm d’art de Richard Clayderman, che l'éra al sò prim disch. Chèsta balàda l’éra dedicàda a la Adeline de Sennaville, la segónda s-cèta del Paul de Senneville nasìda de póch quando che i éra dré a scrif chèsta sunàda. Ol Clayderman l’à endìt 22 miliù de dìsch in 38 paìs e nisü se ‘l ispetàa, gnà ‘l Olivier Toussaint che l’avrès confesàt al Clayderman che 'l sarès stài contèt de ènden 10.000 còpie.