Baldassar Castion

De Wikipedia
Lumbard ucidental Quest articol chì l'è scrivuu in lombard, grafia milanesa.
Rafaell, Litratt de Baldassar Castion.

El Baldassar Castion (italian: Baldassarre Castiglione; Casadegh, 6 de dicember del 1478 - Toledo, 8 de febrar del 1529) l'è staa on umanista, letteraa e diplomategh italian, al servizzi del Statt de la Gesa, de Mantova e de Urbin.
La soa manera de scriv l'è considerada vuna di espression pussee alt del Renassiment italian. L'ha vivuu in tanti cort diferent: Mantova, Urbin, Milan. Al temp del sacch de Roma l'è staa ambassador del papa Clement VII.

El sò lavorà pussee cognosssuu l'è Il Cortegiano, publicaa a Venezzia in del 1528. A l'è on manual (scrivuu compagn d'on dialogh faa a la cort de Urbin) per spiegà come che gh'hann de comportass on omm de cort e ona dama. Ancamò adess l'è consideraa vun di test fondamentai per capì la civiltà del Renassiment, e i sò ideai de perfezzion e de comportament.