Codes sorgent per Bagg

{{MILCLASS}}
{{Varda che bel}}
{{Nota desambiguazion|la familia che la gh'ha origin in del borgh|[[Bagg (familia)]]}}
[[Archivi:Chiesa vecchia baggio.JPG|miniatura|El campanin de la [[Gesa Veggia (Bagg)|Gesa Veggia]]]]
'''Bagg''' (''Baggio'' in [[italian]]) l'è on quartier de [[Milàn|Milan]] in la periferia occidental del capploeugh lombard, ministrativament denter al [[Municipi 7 de Milan|Municipi 7]], finna al 1923 comun autònom.

== Stòria ==
I primm testimonianz stòrich de Bagg hinn de antich insediament, che apparteneven a [[Celta|popolazion celtich]]. L'origin del sò nòmm l'ha dividuu i studios: quaivun el pensa che 'l vègna da ona torr romana militar ciamada ''Badalocum'', che l'aveva dominaa i campagn e la strada per [[Novara]]; alter inveci le fann derivà de on'abbadia denominada ''badia aggeris'', nòmm che poeu el s'è evoluu in ''Badagio'', ''Badaglo'', ''Badaxio'' e al nòmm attual.

In del 221 prima del Signor, tutt el territòri identificaa in di center de [[Trenn]], [[Quart (MI)|Quart]], [[Quint (MI)|Quint]] e [[Segur]] l'è staa conquistaa di [[Impero Roman|Roman]]. De 'sto temp doveria vèss la torr che fòrsi l'ha daa el nòmm al loeugh.<br>
Tra i primm notizzi che a gh'èmm de Bagg ghe n'è voeuna del [[881]], quand che 'l nòbil Tazon l'ha promòss la recostruzion del borgh (dòpo i distruzion di Barbar) sora i ruvinn de l'antiga torr de guardia (trada giò del tutt). Duranta l'epoca [[longobard]]a l'è stada sed de ona ''fara'', cioè de ona cort agricola fortificada; in del [[1162]] l'ha ospitaa a on quai milanes scappaa de la città invaduda del [[Federigh Barbarossa]].

El moment pussee radios per Bagg l'è staa pròppi tra el IX e 'l XII secol, quand che la [[Bagg (familia)|famiglia de Bagg]] n'ha faa on center politich e militar important. Vun di member de la famiglia l'è staa quèll [[Papa Lissander II|Anselmo]] che poeu l'è diventaa papa cont el nòmm de ''Lissander II''. Anca el nevod, l'[[Anselmo de Lucca]], l'è staa on important cardinal. Cont el pèrd de importanza di "de Bagg" anca el quartier el pèrd de importanza, per poeu ciappalla indree quand tra el 1300 e 'l 1400 el diventa feud del [[Balzarin Pusterla]] e l'è faa-sù anca on [[El Monestee|Monestee]] che in di ann el deventa pròppi gròss, con la benedizion di [[Viscont (familia)|Viscont]] e con di donazion del Pusterla.

Di temp del [[Cadaster Teresian]] gh'hann miss denter la [[Cassina Meriggia]].

Bagg, in del cors de la soa stòria, l'è semper staa indipendent da Milan e 'l gh'aveva on'economia soratutt agricola. Con l'introduzion in Italia del [[moron]], in la seconda metà del XV secol, i baggitt s'hinn specializzaa in l'allevament di bach de seda.

[[Archivi:Baggio (Milano) - Via Giuseppe Gianella - anni 1950.jpg|miniatura|La Via Gianella di agn '50]]
Dòpo l'[[Unità d'Italia]] Bagg l'è vegnuu on comun, cont ona superfiss de circa 400 ettar e ona popolazion che la superava i 1'200 abitant. In del [[1869]] hinn staa taccaa a Bagg di paes del circondari; [[Sella Noeuva]], [[Muggian]], [[Quart (Milan)|Quart]] e [[Quint (MI)|Quint]]. A causa de la rivoluzion industrial, Bagg l'è cressuu tanto.

El [[02 09|2 settember]] del [[1923]], cont on regio decrètt, Bagg, insèma ad [[Affer]], [[Ceravall]], [[Crescenzagh]], [[Gòrla]], [[Precòtt]] (a l'epoca giontaa in l'unich comun de [[Gòrla Precòtt]]), [[Grech (Milan)|Grech]], [[Lambraa]], [[Musòcch]], [[Ninguarda]], [[Trenn]], [[Vigentin]] e [[Rogored]] l'è staa unii a Milan. El primm sindich, dal 1919 al 1923, l'è staa el Cesare Stovani (1886-1945), e gh'hann dedicaa la piàzza central.

El 15 de april 1928 el partiss da la città el [[Dirigibil Italia]] de l'[[Umberto Nobile]].

{{quote|Va minga a Bagg se te gh'heet minga coragg!|Proverbi popolar}}
A metà del secol quèll del 20 el quartier el ciappa pròppi 'na brutta fama 'me zona pièna de dròga e de crimin: 'Sta fama la cambia intorna a la metà di ann '90, quand che di zònn, hinn staa recuperaa e sistemaa in manera de fai pussee bèi e sicur. El [[Parch di Cav]], on temp famos per i gent mòrt per la dròga, a l'è inveci diventaa vun di giardin pussee bèi e visitaa de la città. Anca la mobilità social e la costruzion di noeuv cà residenziai l'ha menaa a on general mes'ciass de la popolazion che l'ha donca streppaa Bagg da la fama de zòna dormitori malfamada.

=== Sindegh de Bagg ===
* [[Isepp Gianella]] (1860-1873)
* ...
* Enrico Nava
* Guido Nidasio
* Cesare Stovani (1919-1923)

== Geografia ==
[[Archivi:Milano - quartiere INA-Casa Baggio II - edificio dei negozi.jpg|miniatura|Ona cà popolar a Bagg]]
Bagg 'me comun el confinava cont [[Quint (Trenn)|Quint]] e [[Quart (Milan)|Quart]] a Nòrd, con [[Sella Noeuva|Sèlla Noeuva]] a est, con [[Cesan Boscon]] a sud e con [[Segur]] e [[Muggian]] a ovest. Al dì d'incoeu on poo de 'sti zònn, 'me Sèlla Noeuva, Muggian, Quint e di tòcch de Quart hinn despèss consideraa località foeura de Bagg,

La via pussee granda de Bagg l'è la ''via di Fòrz Armaa'', che la ved i pussee disparaa situazion sociai ed econòmich: Di zònn popolar de ''Via Nikolajevska'' a la zòna malfamada di torr de Via Quarti e se passa per di zònn residenziai de qualità 'me ''la Viridiana'' a di bon zònn popolar compagn del [[Quarter Valsesia]]. 'Sto stradon el pòrta, poeu, a la zòna vèggia de Bagg, faa de la ''Via Ceriani'' e de la ''Via Duu de Giugn'', indove gh'è la [[Gesa Veggia (Bagg)|Gesa Vèggia]] e [[El Palaziett|El Palazziètt]] e di alter vègg cà. Se riva poeu a la zòna del [[Cimiteri de Bagg]] che pòrta ai cà de la zòna, a [[Cusagh]] ò a Quint.

== Canton e tradizion ==
[[Archivi:2016 Baggio (77).jpg|miniatura|manzína|La [[Gesa Veggia (Bagg)|Gesa Veggia]]]]
{{quote|Va a Bagg a sonà l'òrghen!|Proverbi popolar}}
Bagg a l'è arent al [[Parch di Cav]] e a l'Acquatica. In del quarter gh'è la [[Gesa Veggia (Bagg)|Gesa Veggia]], assee antiga e turistega, e 'n famos presepi in la [[Gesa de Sant Apollinar (Bagg)|Gesa de Sant Apollinar]] noeuva. A pòcch pass de la Gesa Veggia el gh'è [[El Palaziett]], che l'è retegnuda la dimora storega de la familia di Bagg.

In la zona gh'è anca dò important cassinn: el [[Monestee de Bagg|Monestee]], antigament avampost viscontee faa su del [[Balzarin Pusterla]] e donada ai Olivetan, arenta anca al [[Parch de Bagg]], e la [[Cassina Lintern]], indova che 'l ghe saria staa dent el [[Francesco Petrarca]]. In tra Quint e [[Quart (Milan)|Quart]] la gh'è anca la [[Cassina Caldera]].

Ogni ottober la gh'è la [[Sagra de Bagg]], che la ved la gara di asenej di scoeur, di event colturai e sociai e di mercaa.

=== Ges ===
Oltra ai ges d'interess turistegh, in la zona gh'hinn 'sti cur de la Gesa Cattolega:
* [[Gesa de Sant Apollinar (Bagg)|Gesa de Sant Apollinar]]
* [[Gesa de Sant Anselmo (Bagg)|Gesa de Sant Anselmo]]
* [[Gesa de San Pier Giulian Eymard]] ([[Quarter Valsesia]])
* [[Gesa de San Gioann Bosch]] (località [[Sellanoeuva]])
* [[Gesa de la Madonna di Pover (Sella Noeuva)|Gesa de la Madonna di Pover]] (località Sellanoeuva)
* [[Gesa de Santa Marcellina (Muggian)|Gesa de Santa Marcellina]] (località [[Muggian]])
* [[Gesa de la Madonna de la Divina Provvidenza]] (località [[Quint (Trenn)|Quint]])
* [[Gesa de la Madonna de la Fed]] (località [[Quarter di Olm]])

In la zona la gh'è anca 'na Gesa Evangelega, dent d'on vegg cinema.

== Straport ==
[[Archivi:Milano, Deposito Baggio VL01.JPG|miniatura|Tram al deposit]]
Bagg a l'è servii di lign urban di bus de la [[ATM (Milan)|ATM]], e la pussee importanta a l'è la linia 67. Anticament, finna al [[1979]] a gh'era el tram, finna al 1975 el 34, per Cairoli, e dal 1975 al 1979 el 18, che 'l faseva Bagg-Gambara. A l'è regordaa soratutt el daree perchè el sò numer a l'éra compagn de quell de la circoscrizion.

Anmò incoeu, al confin del quarter a gh'è el deposit di tram.

La metropolitana a l'è fazil de rivàgh, a la Stazion de [[Bisceglie (metropolitana de Milan)|Bisceglie]], in la località Sella Noeuva.

== Stemma ==
El [[stemma]] el gh'ha 'sta [[blasonadura]] chì: ''troncaa: in del primm d'or, a l'aquila de ross, revoltada, coronada in del camp; in del segond d'azur, al leon d'or''.

== Galleria di foto ==
<gallery>
File:2016 Baggio (29).jpg|Costruzion istorega
File:2016 Baggio (74).jpg|La scoeula media Primo Levi
File:2016 Baggio (108).jpg|Ona via de Bagg
File:2016 Baggio (68).jpg|El center de Bagg
File:2016 Baggio (75).jpg|El center de Bagg
File:2016 Baggio (70).jpg|On edifizzi storegh
File:Monumento ai caduti Baggio (01).jpg|El Monument ai Caduu
File:Piazza Anita Garibaldi, 6 Baggio (54).jpg|Piazza Anita Garibaldi
File:Piazza Anita Garibaldi, Baggio (53).jpg|La fontana de la Piazza
File:2016 Baggio (99).jpg|thumb|Dent del Palaziett
File:Biblioteca di Baggio (39).jpg|La Biblioteca de Bagg
File:Via Antonio Ceriani a Baggio - Milano (1910 circa).jpg|Via Ceriani in di agn '10
File:Caserma Santa Barbara Baggio Milano.jpg|La [[Caserma Santa Barbara]]
File:Parco delle cave (15).jpg|El [[Parch di Cav]]
File:Parco delle cave.JPG|El Parch di Cav cont la fiocca
File:Zona forze armate, Milano (43).jpg|El [[Giardin AIDO]]
File:Milano parco di Baggio.jpg|El [[Parch de Bagg]]
File:2016 Baggio (81).jpg|La Gesa Veggia cont el sò campanil
File:2016 Baggio (22).jpg|La Gesa de Sant Apollinar
File:Milano - chiesa della Madonna dei Poveri - facciata.jpg|thumb|La Gesa de la Madonna di Pover
File:Milano - chiesa della Madonna della Divina Provvidenza - esterno.JPG|La Gesa de la Divina Provvidenza
File:Cimitero di Baggio 07.jpg|El [[Cimiteri de Bagg]]
File:Cascina a Baggio (50).jpg|[[El Monestee]]
File:Linterno winter 2005 landscape.png|La [[Cassina Lintern]]
</gallery>

== Riferiment ==
* [https://www.vice.com/it/article/a3av8k/tragedia-dirigibile-italia-umberto-nobile-90-anni-artico La tragedia del Dirigibile Italia, il laboratorio volante perso nell'Artico]
* [http://fc.retecivica.milano.it/Palazzo%20Marino%20LD/Palazzo%20Marino:%20com'era/dillo%20a.../Milano%20Zona%207%20LD/S009EEDC9-009EEDF3?WasRead=1 Parco delle Cave]
* [http://www.giorgiouberti.com/category/storia-baggio/ Storia di Baggio]
* [https://www.tastingtheworld.it/baggio-cosa-vedere-quartiere-milano/13189/amp/ Baggio: cosa vedere e fare nel quartiere meno considerato di Milano]
* [https://www.ilgiorno.it/milano/cronaca/case-aler-baggio-via-quarti-1.3332976 Discariche, occupazioni e criminalità in via Quarti: "Milano non si accorge di noi"]

== Alter progett ==
{{Interprogett}}

== Vos corelaa ==
* [[Municipi 7 de Milan]]
* [[Piazza Cesare Stovani]]

{{Quarter de Milan}}

[[Categoria:Bagg| ]]
[[Categoria:Quarter de Milan]]
[[Categoria:Vegg comun de la Lombardia]]
[[Categoria:Comun de la Piev de Cesan]]