Automa a stat finii

Quest articol chì l'è scrivuu in lombard, grafia milanesa.

On automa a stat finii (FSM, de l'ingles Finite-state machine) a l'è on automa che l'è in on daa moment $t$ in d'on stat ben precis scernuu in d'on numer finii de stat. El stat el pò cambià in risposta a di input esterni.

Ona FSM l'è definida de 'na lista di sò stat, el sò stat inizial e i condizion per ògni transizion. Pòden vèss sia deterministegh sia minga deterministegh.

El comportament di automa a stat finii a l'è visibil in tutta la vita quotidiana, per esempi in di macchinett de vendita, indova i stat a hinn definii di moned mittuu dent, in di ascensoeur, indova i stat a hinn definii di pian scernuu di passegee, i semafer o i bogin a combinazion.

Esempi

Tornell

On esempi semplis de macchina a stat a l'è 'n tornell, che 'l se podaria vedè 'me macchina a du stat: Bloccaa e vert, che 'l permett de girà la sbarra e passà. La macchina, tipicament bloccada, in risposta a 'n input estern, 'me che 'l pò vess el mett de 'na moneda o de 'n biliett, la passa al stat vert, per poeu tornà a quell bloccaa quand che la sbarra la gira.

Macchinetta

On esempi pussee compless a l'è quell de 'na macchinetta di snack e bevand. Per esempi, 'na macchina che a 50 sghei la fa el caffe, la da minga el rest e la supporta domà moned de 10 e 20 la gh'avarà on stat de partenza zero, di stat 10, 20, 30, 40 e 50.

I stat a hinn:

Stat	Possibilità de rivà
0	Stat de partenza
10	De 0, cont ona moneda de 10
20	De 0, cont ona moneda de 20 o de 10, cont ona moneda de 10
30	De 10, cont ona moneda de 10 o de 10, cont ona moneda de 20
40	De 30, cont ona moneda de 10 o de 20, cont ona moneda de 20
50	Stat final, de 30 cont ona moneda de 20 o de 40 cont ona moneda de 10

Per ona macchina a stat finii a gh'è mìnga differenza in sul rivà a 'n stat, a l'è donca istess per la macchina se 'l 50 el riva de 30+20 o de 40+10.

Parità di cifer

Ona macchina a stat finii che la conta i cifer de 'n numer e la dis se hinn pari o dispari a l'è assee fazil de realizzà e l'è possibil fàlla domà cont su stat, degià che 'l 0 a l'è consideraa pari.

'Sta macchina la podaria semplicement cambià de stat ògni voeulta che la incontra 'na cifra e 'na voeulta finii el numer comunicà el sò stat.

Esempi

10

Cifra	Mutament de stat
1	Pari > Díspari
0	Dispari > Pari

El stat final a l'è che el numer di cifer a l'è pari.

123

Cifra	Mutament de stat
1	Pari > Díspari
2	Díspari > Pari
3	Pari > Díspari

El stat final a l'è che el numer di cifer a l'è dispari.

Implementazion

Hardware

'Na macchina a stat finii la se pò implementà in d'on circuitt digital cont di controller programmabil o anca cont di port logich e di flip-flop e di relè. De facc gh'è de besogn de 'n register per salvà el stat corrent, de la lògica combinatoria che la determina el cambi de stat e 'l resultaa final. L'esempi pussee classich a l'è quell del controller de Richards.

Software

A l'è possibil simulà via software 'na macchina a stat finii cont tucc i lenguagg Turing complett: On esempi de software che 'l fa ampi us del concett de macchina a stat finii a hinn i parser, doperaa soratutt di compilator.

Riferiment

Automa a stati finiti

Vos corelaa