Autoguidovia de la Madonna de la Guardia

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Tram in salida

L'Autoguidovia de la Madonna de la Guardia a l'è stada 'na particolar tranvia che la conligava el quartiee de San Quirico al Santuari de Nostra Signora de la Guardia, a Ceranesi. Longa 10,594 km, l'è stada verta dal 1929 al 1967 e la doperava ona soluzion tecnega particolar per superà i volt pendenz de montagna.

Storia[<small>Mudifega</small> | mudìfica 'l sorgènt]

Vettura ferma a la Stazion del Santuari

Giamò dal 1850 el santuari a l'era meta de peregrin, e han pensaa de fà su ona ferrovia a cermajera per conligàll a Genoa, ideja poeu bandonada.

In del 1896 a l'è approvada ona ferrovia elettrica, anca incominciada ma sospenduda in del 1900 per di problema economich. A l'è stada anca progettada ona funivia, fada no per la prima guerra mondial.

A fin guerra, in di agn 20 l'imprenditor Carlo Corazza, che 'l eva ricevuu 'na grazia, l'ha pensaa a la necessità de on mezz de massa per rivà al Santuari.

A dicember 1924 a l'è offizialment fada su la società, con l'obietiv de fà on'autoguidovia, termin inventaa del piasentin Alberto Laviosa, ossia ona tranvia che per volzà l'aderenza la doperava anca di roeud tradizionai.

In del 1925 scomincia el lavorà per la prima tratta, longa circa 9 kilometer e che la coligava Genoa al Comun del Santuari cont i precedenz a Riviera, Fontanassi, Gaiazza, Sareto, Panigone, Galleria e Piani.

El 28 de luj del 1934 a l'è inaugurada la tratta completa.

La linia l'ha scominciaa a perd utenza giamò in di agn 1950, però la creazion de la strada è del bus l'ha definii la fin del servizzi, saraa in del 1967.

Caratteristich[<small>Mudifega</small> | mudìfica 'l sorgènt]

Mappa de la tranvia

La tranvia la dopera el sistema Laviosa, ossia la trazion a l'era dada di roeud tradizionai che roeudaven in su dò cordoli a lato, e la direzion a l'era dada in sui classich binari del tram, a scartament metrich.

La linia, a binari unich, a l'era longa circa 10 kilometer, e cont ona pendenza media del 66,5 per milla e massima del 83 per milla. Per sicurezza de bass a ghe sera on tronchett de salvatagg, che l'avaria fermaa on tram cont el freno s'ceppaa. Ai capolinia i vittur, monodirezionai, eren giraa cont di piattaform a man.

El sistema el straportava anca de la mercanzia cont i carr, tipicament el fien e la sabbia, e di voeult el mangià per el santuari.

Material rotabil[<small>Mudifega</small> | mudìfica 'l sorgènt]

La vettura 11

La pupart del servizzi a l'era faa cont di automotris cont 18 post settaa e 40 in pee, e finna al 1936 anca de ona locomotiva cont dò carrozza, doperada tipicament però per la manutenzion.

I primm automotris i eren de tila e metall, cont i port a soffiett, domà l'ultima, la 11, fada in del 1955, a l'era totalment de metall.

Finna al 1938 a l'era doperaa el motor a benzina, sostituii poeu del pussee economich motor Diesel.

Cont la saradura in del 1967, la pupart di motris a l'è 'ndada a Piasenza, a la società del Laviosa, Autoguidovie Italiane.

Dò a hinn andaa in musee: Vuna a Milan, e l'è stada poeu demolida, e vuna a Ranch.

I alter a hinn finii in man di privaa, e hinn deventaa di roulotte, di studi d'art e anca di zon per ona discoteca.

Tabella storica[<small>Mudifega</small> | mudìfica 'l sorgènt]

Trasferiment de 'n tram a Piasenza
Material rotabil 1929 1936 1953 1967
Locomotiva 1 (59 kW) - - -
Automotris 8 (59 kW) 8 (59 kW) 2 (55 kW)
6 (66 kW)
2 (88 kW)
2 (55 kW)
7 (66 kW)
2 (88 kW)
Carrozz 2 2 - -
Carr 2 2 2 2

Bibliografia[<small>Mudifega</small> | mudìfica 'l sorgènt]

  • Alessandro Sasso, Claudio Serra, Guidovia della Guardia in Mondo ferroviario, n. 54, dicembre 1990, Editoriale del Garda, Brescia, p. 6.
  • Maurizio Lamponi, Claudio Serra, I Trasporti in Val Polcevera - Dalla via Postumia alla Metropolitana, Nuova Editrice Genovese, Genova, 1996.
  • Claudio Serra, Una guidovia per il santuario, 3ª ed., Genova, Nuova Editrice Genovese, 2011.

Vos correlaa[<small>Mudifega</small> | mudìfica 'l sorgènt]