Atacch del 22 Lüj in Nurvegia
|
|
Quel articul chì l'è scrivüü in Lumbard, cun l'urtugrafia insübrica ünificada. |
I Atacch del 22 de Lüj in Nurvegia hinn staa dü atacch in Nurvegia el 22 de Lüj in del 2011. El prim atacch a l'è staa l'esplosiun de 'na vetüra arent a i edifis del guvern a Oslo. El segund atacch a l'è staa una s'ciupetada de massa al camp estiv de la giuventü in sö un'isula a nord-ovest de Oslo. Di 77 mort tutaj, 55 i eren dumà giuvin, e di olter 96 persun hinn staa ferii. L'esplusiun de la vetüra l'ha anca s'cepaa di fenester di edifis in del quarter del guvern a Oslo.
L'esplusiun de la bomba a l'è stada arent a l'üfici del Prim Minister Jens Stoltenberg a i 15:26. L'ha faa föra 8 persun e n'ha ferii tant olter. El segund atacch a l'è staa pu sö pu giò 90 menüt apus, press un camp de giuventü urganizaa de la l'AUF (grupp de giuventü) del Partii Lavurista (AP) in sö l'isula de Utøya a Tyrifjorden, Buskerud. Un omm armaa de s'ciopp che'l faseva finta de vess un omm de la polizia, l'ha dervii fögh a i campegiatur, e l'ha faa föra 69 persun.
La pulizia l'ha arestaa devirs suspetaa, ma tant i è staa liberaa. Ander Behring Breivik, un omm prutestan de 32 agn nurveges, l'ha faa lü tücc dü i atacch. L'è staa pö incriminaa de tücc dü i atacch. I registraziun fann vidè che l'eva pianificaa i atacch per agn, cumè un att ideologich de anti-imigraziun e cuntra 'l multi-cultüralism.
L'Üniun Eurupea, la NATO e di pais del mund gh'hann espress sö el so suport per la Nurvegia e cundanaa i atacch,