Lengua armena

Quest articol chì l'è scrivuu in lombard, grafia milanesa.

La lengua armena (nomm local: հայերեն լեզու, hayeren lezow) l'è ona lengua indeuropea, che la partegna a on brocch tutt indeperlee.
L'è la lengua ofizial (e la pussee parlada) de l'Armenia, ma l'è parlada anca in Georgia, Azerbaigian (soratutt in del Nagorno-Karabakh) e in tucc i paes de la diaspora armena. Se cred che almanch ses milion in del mond (di quai apena trii in Armenia) i sien bon de parlà in armen.
L'armen el gh'ha ona storia e ona letteradura bei vegg, che partissen almanch del V secol. El gh'ha on sò abecee particolar, inventaa del monegh Mesrop Mashtots (el fondador de la letteradura armena).