Apucaliss Capitel Trides

Quel articul chì l'è scrivüü in Lumbard, cun l'urtugrafia insübrica ünificada.

Apucaliss

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trides

¹E huu vedüü una bestìa che 'l va sü del mar, avendugh des corn e sètt cuu e sü i sò corn des diadém e sü i sò cuu nomm de biastemia. ²E la bestìa che huu vedüü l'era cumpagn d'un leupard e i sò pee [eren] cuma d'un urs e la sua buca [l'era] cuma una buca d'un leún e 'l dragh el gh'ha daa la sua puténza e 'l sò tronu e granda auturitaa. ³E vün di sò cuu [l'era] cuma mazaa a mort, e la ferida de la sua mort l'è stada guarida. E tüta la tèra s'è meravejada dedree a la bestìa ⁴e hann aduraa 'l dragh, perchè l'ha daa l'auturitaa a la bestìa e hann aduraa la bestìa, disend: «Chi [l'è] cumpagn de la bestìa e chi 'l po fà guèra cun lee?».
⁵E la gh'è dada una buca grand [robb] e biastèmm e la gh'è dada auturitaa de fà [per] quaranta düü més. ⁶E l'ha dervii la sua buca in de biastèmm vèrs Diu per biastemà 'l sò nomm e la sua tenda, quij che stann de cà. ⁷E 'l gh'è daa de fà guèra cunt i sant e de vinguj e la gh'è dada auturitaa sura ogni tribü e gént e léngua e naziún. ⁸E tücc quij che stann de cà sü la tèra l'adurànn, del qual l'è minga scritt el sò nomm in del liber de la vita del berìn che l'è staa mazaa de la fundaziún del mund.
⁹Se quajdün el gh'ha un urègg, che 'l sent
¹⁰se quajdün [el fa] in de cativitaa, el va in de cativitaa,
se quajdün el mazarà cunt una spada,
l'è necessari che 'l füss mazaa cunt una spada.
A scià l'è la perseveranza e la féd di sant.
¹¹E huu vedüü un'altra bestìa andand sü de la tèra e la gh'ha avüü düü corn cumpagn d'un berìn e la parlava cuma un dragh. ¹²E la fa tüta l'auturitaa de la prima bestìa denanz a lü, e la fa la tèra e quij che 'n stann de cà perchè aduràssen la prima bestìa, del qual l'è stada guarida la ferida de la sua mort. ¹³E la fa grand sègn, perchè la faga [che] anca fögh el vaga del cél in de la tèra denanz a i vèss üman, ¹⁴e l'imbröja quij che stann de cà sü la tèra per via di sègn che gh'hinn staa daa de fà denanz a la bestìa, disend a quij che stann de cà sü la tèra de fà un'imagen per la bestìa, che 'l gh'ha la ferida de la spada e l'ha vivüü. ¹⁵E 'l gh'è daa de dà fiaa a l'imagen de la bestìa perchè anca la parlàss l'imagen de la bestìa e la fasèss perchè tant quant aduràssen minga l'imagen de la bestìa füssen mazaa. ¹⁶E 'l fa tücc, i piscinìtt e i grand, e i sciúr e i pòr, e i liber e i sèrv, perchè ghe dàssen la marca sü la lur man driza o sü la lur front ¹⁷e perchè quajdün el poda minga cumprà o vénd se no lü che 'l gh'ha la marca, el nomm de la bestìa o 'l nümer del sò nomm. ¹⁸A scià l'è [la] saviéza, lü che 'l gh'ha una mént, che 'l cunta 'l nümer de la bestìa, già che l'è un nümer d'un vèss üman, e 'l sò nümer [l'è] ses'cent sessanta ses.

Navigaziun

• ← Indree a Capitel Dudes
• Inanz a Capitel Quatordes →
• A l'indes