Apple IIGS

De Wikipedia
Lumbard ucidental Quest articol chì l'è scrivuu in lombard, grafia milanesa.
Apple IIGS

Apple IIGS a l'è stada la version de l'Apple II desviluppada per el settor grafich e sonor, de facc GS a hinn i sò abbreviazion.

Cont on pussee potent processor a 16 bit, a l'è staa mittuu in del 1986 e 'l dava 'na grafica pussee potenta de la pupart di computer de l'epoca, anca del Macintosh de la stessa Apple.

I primm 50'000 aveven la firma del Steve Wozniak in sul case.

Caratteristich[Modifega | modifica 'l sorgent]

Memoria[Modifega | modifica 'l sorgent]

In teoria el processor a l'éra bon de indirizzà 16 MB de RAM, ma la Apple l'ha scernuu 'me massim 8 MB. A l'éra possibil cont di patch volzà el massim, per esempi gh'eren di espansion de 12 MB.

Grafica e audio[Modifega | modifica 'l sorgent]

La grafica offerta a l'éra de qualità per el period, cont different modalità a segonda de l'applicazion: A l'éra anca possibil spartì el monitor per fà di menù a resoluzion different. El supportava 4096 color.

L'audio, compatibil MIDI, el supportava 15 vos. 'Sto compart l'ha menaa a 'na denonzia de la Apple Corps, società de musega, che l'ha accettaa poeu 'n accord privaa.

Sistema operativ[Modifega | modifica 'l sorgent]

Per savenn pussee, varda l'articol GS/OS.

Per doperà al mej i noeuv fonzion el ProDOS a l'è staa modifegaa fiss: In principi, per fà no sortì el computer in retard, a hinn staa modifegaa domà di aspett 'me la grandezza di disch. A l'éra nanca a 16 bit, 'l intercettava domà i ciamaa a 16 bit per voltàj in lenguagg 8 bit. La gh'era anca 'na primitiva GUI.

In del 1987 El sortiss l'Apple II Desktop, ambient desktop arent a quell del Mac crompaa de 'na ditta franzesa. A la fin de l'ann el nass el Finder.

L'ann dopo el nass el GS/OS, intregament a 16 bit e cont ona interfaccia grafica. In del 1992 a l'è mittuu l'HFS, file system doperaa a longh de la Apple.

Recojenza[Modifega | modifica 'l sorgent]

Desviluppaa per contrastà l'Amiga 1000 e l'Atari ST l'éra venduu a 999$. Al principi el gh'ha avuu di resultaa bon, e l'ha anca superaa el Macintosh, però hinn borlaa pocch dòpo, e han daa a l'Apple II GS la fama de computer de scars success, anca perchè l'Amiga el costava la metà.

Vos correlaa[Modifega | modifica 'l sorgent]