Appenninia

Chest artícol a l'è scricc in Lumbàrt, ortograféa orientàl unificàda.

Appenninia l’è ü nòm che l'è nasìt al prensépe del méla e nöf (1900) e che l'è dovràt per ciamà 'l teritòre penisulàr e insulàr del Règn d’Italia prìma e de la Repüblica italiana dòpo.

Zamò 'n del manüàl Hoepli Geografia economico sociale dell'Italia scricc dal profesùr Angelo Mariani e stampàt in del 1910 s'tróa 'l nòm Appenninia, tat che töt ol lìber l'è dividìt in dù tòch, ol prim intitulàt Padania e 'l segónt Appenninia e 'l cunfì tra i dò regiù 'l và da la bóca del fiöm Magra ‘nfìna a Cattolica ^[1]. Chèsto nòm l’è pò stacc ach dovràt sèmper co l’istès significàt in del Senàt del Règn in del 1914 e sèmper in contrapozisiù a Padania ^[2] e pò amò in del 1935 se ‘l tróa in del lìber Costituzione e storia geologica d’Italia del Ettore Ricci.

Appenninia l’è pò ach ü pòst di bànde de Ca' dl'Abat, mia de luntà de Civago frasiù de Villa Minozzo in pruìnsa de Règio Emìlia, pòst che 'l se tróa in del la al del Dolo in del ólt Apenì regià, quàze söl cunfì co la Toscana. L’éra ciamàda Appenninia pò ach öna stasiù de sci nasìda in del 1967 de la bànda a roèrs del mut Giovarello a 1.125 méter söl lièl del mar.

Riferimèncc

↑ Angelo Mariani, Geografia economica sociale dell'Italia, Manuali Hoepli, U. Hoepli, 1910
↑ Atti parlamentari dello Senato , Volume 5 E. Botta, 1914 pag 5062: "Non dimentichiamo che l'Italia è prevalentemente agricola e che vi sono purtroppo due Italie, come dicono i Geografi, la Padania piana e ricca, l'Appenninia povera, vera montagna protesa nei mari."

[1] Angelo Mariani, Geografia economica sociale dell'Italia, Manuali Hoepli, U. Hoepli, 1910

[2] Atti parlamentari dello Senato , Volume 5 E. Botta, 1914 pag 5062: "Non dimentichiamo che l'Italia è prevalentemente agricola e che vi sono purtroppo due Italie, come dicono i Geografi, la Padania piana e ricca, l'Appenninia povera, vera montagna protesa nei mari."

[1]

[2]