Antonio Martino
L'Antonio Martino (Messina, 22 de dicember 1942 - Roma, 5 de marz 2022) a l'è staa 'n politegh italian, deputaa dal 1994 al 2018 e minister in di governi Berlusconi I e II.
Biografia[Modifega | modifica 'l sorgent]
Fioeu del Gaetano Martino e de Alberta Stagno d'Alcontres, el nass e 'l cress a Messina, per poeu trasferìss a Roma.
Dòpo de 'na bona carriera universitaria, el se candida secretari del Partii Liberal Italian, ma el perd.
A fin 1993 a l'è in tra i fondator de Forza Italia, cont la tessera numer 2. Dòpo de la vittoria del Berlusconi in del 1994 a l'è nominaa Minister di Affari Forest.
Dal 2001 al 2006 l'è Minister de la Defensa, roeul indova che 'l decid de anticipà la sospension de la leva al 2004 cont la legg Martino.
In di elezion del 2018 el scerniss de corr no.
El moeur a Roma el 5 de marz 2022.
Pensee econòmich[Modifega | modifica 'l sorgent]
Martino el se ciama "semplicement liberal" e 'l se ispira al Milton Friedman.
El sostegn che i politegh statalista, che sien applicaa in d'ona società democratega, fassista o marxista, fallissen prima che per di reson tecnegh-economegh per di reson etich, degià che dann a 'n oligarchia el poder de scernì per tucc i personn, retegnuu mìnga bon de pensà per lor midemm.