Antivirus

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

I antivirus a hinn programma che servissen per cercà, controllà e toeu via i virus informategh e despess alter programma compagn: i malware.

Al dì d'incoeu, despess i Antivirus i gh'han denter di fonzion contra di alter robb che pòden danneggià el PC e l'utent, 'me i spyware, el spam, i keylogger e 'l phishing.

Meccanism de identificazion

Firm

La tecnega di firm l'è quella pussee vegia, in pratega l'antivirus el varda in d'ona lista con di tochellitt de virus e se on file l'è compatibil cont vuna di 'sti firm a l'è marcaa 'me virus. I ris'c principai de la tecnega hinn:

La troeuva mia i noeuv virus
Se la firma l'è tròpp generega, ghe sarann ona motta de fals positiv
Se la firma l'è tròpp specializada, la trovarà minga i variant del malware

Euristega

L'euristega l'è ona tecnega indova che l'antivirus el varda i azion del software, per esempi se 'l file el proeuva a fà di azion pericolos, comé scancellà tanc file, cifrà i file del sistema o mandà tropp e-mail, el sarà bloccaa.

Olter tecnegh

Esisten anca di olter tecnich, me la sandbox o el controll del codes, ma hinn squasi semper drovaa dai cà di Antivirus per descovrì se on file el gh'ha denter on virus, minga in del prodott per l'utent final.

Varda anca