Ampelmännchen

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
I dò figur

L'Ampelmännchen (omin del semafer) a l'è la figura antropomorfa doperada in di semafer pedonai de la Republega Democratega Todesca, doperaa anca incoeu in di zonn orientai de la Germania e, per di reson turistegh, anca in àlter canton del Stat.

L'è staa ideaa in del 1961 del psicolegh Karl Peglau cont l'obietiv de sbassà el numer di incident pedonai in del Paes, ch'eren deventaa 'na granda causa de mort. In origin el voreva proppi modifegà el sistema di semafer, cont el sostituì del ross cont ona barra e del verd cont ona frescia, ma vist el volt cost de la modifega totala l'ha deciduu de doperà 'n sistema pussee comprensibil cont i semafer circolar.

Per semplificànn la comprension l'ha scernuu per el ross on omm in pee che cont i brasc el sbarra la via e per el verd 'n omm che 'l cammina, in origin a drizza ma poeu spostaa, per di reson ideològich, a manzina.

Cont la fin de la Germania orientàla el se pensava de adeguà i segnai orientai a quej occidentai, ma di protest han faa tegnì l'Ampelmännchen che l'è deventaa on simbol turistegh de la Germania intrega e anca doperaa di ostalgich. Di città, anca in la Germania occidentala, l'han installaa, anca in version de dònna.

Galleria di foto[Modifega | mudìfica 'l sorgènt]

Riferiment[Modifega | mudìfica 'l sorgènt]

Vos corelaa[Modifega | mudìfica 'l sorgènt]