/dev/null

De Wikipedia
Lumbard ucidental Quest articol chì l'è scrivuu in lombard, grafia milanesa.

/dev/null l'è, in di sistema UNIX, on file de memoria virtual (ossia che fisicament el gh'è minga) che 'l scarta tucc i dacc che ghe riven e, se lengiuu, el dis nient.

Us[Modifega | modifica 'l sorgent]

L'è usaa tipicament per scassà di respost in sul standard output che interessen no, cont di sintass comé:

ls -a > /dev/null

In del gergh informadegh[Modifega | modifica 'l sorgent]

In del gergh informadegh /dev/null l'è metafora de canton indova nagott el vegn tegnuu de cunt. Per esempi se dis:

  • Mandee i voster lament a /dev/null
  • Ma va a /dev/null, tipo va a ciappà i ratt

Anca 'n reclam de la Apple parlava de on Mac che 'l avaria mandaa tucc i alter UNIX box a /dev/null.